Հզոր երկրաշարժ Աֆղանստանում և Պակիստանում. Տասնյակ զոհեր կան

Հզոր երկրաշարժ Աֆղանստանում և Պակիստանում. Տասնյակ զոհեր կան

PanARMENIAN.Net - Հզոր երկրաշարժ է տեղի ունեցել Հարավային Ասիայում, որի հետևանքով տասնյակ մարդիկ են զոհվել Պակիստանում և Աֆղանստանում: Ցնցումների մագնիտուդը տարբեր գնահատականնելով տատանվել է 7,5 - 7,7-ի սահմանում: Ցնցումները զգացվել են նաև Հնդկաստանի մայրաքաղաք Նոր Դելիում:

Առնվազն 21 մարդ է զոհվել, ավելի քան 100-ը` վիրավորվել Աֆղանստանում, հայտնել է Associated Press-ը: Աֆղանստանի Թահար գավառում տեղի դպրոցի 12 աշակերտուհի է զոհվել հրմշտոցի պատճառով, որն առաջացել է, երբ երեխաները սկսել են խուճապահար դուրս վազել դպրոցից: Եվս 30 երեխա հոսպիտալացվել է, հայտնում է russian.rt.com-ը:

Ստորգետնյա ցնցումները ուժեղ են եղել նաև հարևան Պակիստանում: Այնտեղ զոհերի թիվը վերջին տվյալներով հասնում է 73-ի: Ինչպես հայտնել է ԱՄՆ Երկրաբանական ծառայությունը, 7,7 մագնիտուդով երկրաշարժի էպիկենտրոնը գտնվում էր Աֆղանստանի հյուսիս-արևելքում` Հինդուկուշի լեռնաշղթայի հատվածում, Քաբուլից 256 կմ հեռավորության վրա:

Առավել շատ է տուժել Հայբեր-Պախտունխվա գավառը, որի վարչական կենտրոն Փեշավարում մասնակի ավերածություններ կան: Լեռնային շրջաններում սողանքների պատճառով մի շարք ավտոճանապարհներ արգելափակված են, ինչը դժվարացնում է տուժածների տեղափոխումը հիվանդանոցներ, հայտնել է ՌԻԱ Նովոստին:

Վերջին շրջանում հզոր երկրաշարժ տեղի ունեցավ նաև Նեպալում, որը մոտ 9000 մարդու կյանք խլեց: Ապրիլի 25-ին Նեպալի մայրաքաղաք Կատմանդուում և մոտակա խիտ բնակեցված արվարձաններում տեղի ունեցավ Ռիխտերի սանդղակով 7,9 մագնիտուդ ուժգնությամբ երկրաշարժ: Հազարավոր մարդիկ զոհվեցին ու վիրավորվեցին, ավերածություններ կան քաղաքի կենտրոնում, այդ թվում քանդվել է Բհիմսենի աշտարակը: Երկրաշարժի էպիկնետրոնը Կատմանդուից 70 կմ հերավարության վրա` դեպի հյուսիս-արևմուտք է: Ցնցումները զգացվել են նաև Հնդկաստանում:

10 տարի առաջ Քաշմիրում տեղի ունեցած երկրաշարժի արդյունքում մոտ 100 000 մարդ զոհվեց:

 Ուշագրավ
Հայտնի է, որ ահաբեկիչներից մեկը «Իսլամական պետություն» խմբավորման համակիր է
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել