ԵՏՄ-ն պաշտոնապես առաջարկել է ԵՄ-ին քննարկել ընդհանուր տնտեսական տարածքի ստեղծումը27 հոկտեմբերի 2015 - 11:30 AMT PanARMENIAN.Net - ԵՏՄ հանձնաժողովն առաջարկել է Եվրամիության իշխանություններին երկխոսություն սկսել ընդհանուր տնտեսական տարածքի ստեղծման մասին: Պաշտոնական նամակը փոխանցվել է ԵՄ հանձնաժողովին: Այդ մասին հայտարարել է ԵՏՀ ինտեգրման հիմնական ուղղությունների և մակրոտնտեսության նախարար Տատյանա Վալովայան: Ըստ նրա, այս որոշումը կայացվել է սեպտեմբերի 8-ին Գրոդնոյում միության կառավարությունների ղեկավարների հանդիպմանը` ՌԴ, Բելառուսի, Ղազախստանի, Ղրղրզստանի և Հայաստանի մասնակցությամբ: Նամակը փոխանցվել է հոկտեմբերի կեսին, հայտնում է ՏԱՍՍ-ը: «Հարկավոր է վերադառնալ ընդհանուր տնտեսական տարածքի ստեղծման գաղափարին, և մենք առաջարկում ենք սկսել այդ երկխոսությունը»,-ասել է Վալովայան` նշելով, որ նամակը դեռևս հայտնում է միայն ԵՏՄ հանձնաժողովի կարծիքը: Դեռ 2015-ի հունիսին ԵՏՀ Կոլեգիայի նախագահ Վիկտոր Խրիստենկոն հայտարարեց, որ Եվրամիությունը ԵՏՄ երկրների ավանդական և ամենամեծ գործընկերն է: Նա ԵՄ-ին անվանեց «ԵՏՄ հետ առևտրում հսկիչ փաթեթ ունեցող»: Ուստի, նրա խոսքերով, նույնիսկ այս իրողություններում Միությունը հնարավոր չի համարում հրաժարվել այդ երկարաժամկետ հարաբերություններից: Ավելի վաղ Իտալիայի ԱԳ նախարար Ֆրանկո Ֆրատինին հայտարարել էր, որ Եվրոպայի շահերից է բխում ԵՄ և ԵՏՄ մերձեցման գործընթացի վերսկսումը: «Ժամանակն է վերագործարկել նոր բանակցային ձևաչափը Եվրամիության և ԵՏՄ միջև, որը երկար ժամանակ արգելափակված էր, միաժամանակ բանակցելով Եվրոպայի և Ամերիկայի հետ ազատ առևտրի վերաբերյալ»,-ասել է Ֆրատինին: Ըստ նրա, չի կարելի ժխտել ԵՏՄ և եվրոպական ընդհանուր շուկայի միջև առկա տնտեսական փոխադարձ կախվածությունը: Նա հավելել է, որ ինտեգրման գործընթացներն ու այնպիսի նախաձեռնությունները, ինչպիսին է, օրինակ, «Մետաքսե ճանապարահը», պետք է լրացնեն իրար: «Ես այստեղ հակասություն չեմ տեսնում: Անկեղծ ասած, եվրոպական ինտեգրումը, իսկ ես եվրոպամետ եմ տրամադրված, պետք է զարգանա, բայց ոչ մեկուսանալով: Եվրոպայի համար շահավետ չէ մեկուսացնել եվրոպական ձևաչափը մնացած աշխարհից: Մեր շահերից է բխում, որ փոխլրացում լինի, ոչ թե տարանջատում»,-ասել է նա: Հոկտեմբերի 13-ին Բրյուսելում ԵՄ-ում Բելառուսի մշտական ներկայացուցիչ Անդրեյ Եվդոչենկոն և Հայաստանի, Ղազախստանի, Ղրղզստանի և ՌԴ դիվանագիտական առաքելությունների ներկայացուցիչները հանդիպել են Եվրահանձնաժողովի նախագահ Ժան Կլոդ Յունկերի խորհրդական Ռիչարդ Շոստակի հետ, հայտնում է Բելառուսի ԱԳՆ մամուլի ծառայությունը: ԵՏՄ-ում Բելառուսի նախագահության անունից Եվդոչենկովը ԵՀ ներկայացուցչին է փոխանցել ԵՏՀ Կոլեգիայի նախագահ Վիկտոր Խրիստենկոյի նամակը` հասցեագրված ԵՀ նախագահ Յունկերին, ինչպես նաև «Եվրասիական տնտեսական միություն և Եվրամիություն` համագործակցության ուրվագիծը» հուշագիրը, որը սեպտեմբերին 8-ին հավանություն է ստացել Եվրասիական միջկառավարական խորհրդի կողմից: Կողմերը նաև քննարկել են ԵՏՀ և ԵՀ միջև գործակցության կազմակերպման հնարավոր տարբերակները: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |