Վրաստանն ապաքրեականացրեց մարիխուանայի օգտագործումը26 հոկտեմբերի 2015 - 22:36 AMT PanARMENIAN.Net - Վրաստանի սահմանադրական դատարանը որոշում է կայացրել, որով երկրի քաղաքացիներն այլևս պատասխանատվության չեն ենթարկվի մարիխուանա օգտագործելու համար: Agenda.ge կայքի հաղորդմամբ, դատարանը բեկանել է 65 գրամ մարիխուանա ձեռք բերելու համար դատապարտված Բեկա Ցիկարիշվիլիի գործով վճիռները: 2013 թվականին նա ձերբակալվել էր 70 գրամ մարիխուանա գնելուց հետո: Ցիկարիշվիլիին սպառնում էր 7-14 տարի ազատազրկում՝ նման դատավճիռ է նախատեսվում 50 գրամից ավել մարիխուանա ունենալու համար: Դատարանը որոշել է, որ կանաբիսն օգտագործողներն ու այն վաճառողներն այսուհետ չպիտի նույն կերպ պատժվեն, և սպառողի համար ազատազրկումն անընդունելի դատավճիռ է: Ցիկարիշվիլիի գործը բողոքի մեծ ալիք էր բարձրացրել: Վրաստանում 2013-ից ի վեր մարիխուանայի ապաքրեականացման պահանջով մի քանի բողոքի ցույց է տեղի ունեցել: Հայաստանում գործող օրենսդրությամբ, թմրամիջոցների կամ հոգեներգործուն նյութերի ապօրինի շրջանառությունը մանր չափերով չի հանգեցնում քրեական պատասխանատվության: Սակայն 0,5 գրամ մարիխուանան համարվում է զգալի, 5-500 գրամը՝ խոշոր, 500 գրամից ավելի մարիխուանան՝ առանձնակի խոշոր չափաբաժին: Առանց իրացնելու նպատակի թմրամիջոցներ ապօրինի պատրաստելը, վերամշակելը, ձեռք բերելը, պահելը, փոխադրելը կամ առաքելը պատժվում է կալանքով՝ առավելագույնը երկու ամիս ժամկետով, կամ ազատազրկմամբ՝ առավելագույնը մեկ տարի ժամկետով: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |