Կռիլով. Ադրբեջանը կարող է միանալ ԵՏՄ-ին միայն Հայաստանի համաձայնության դեպքում28 հոկտեմբերի 2015 - 15:59 AMT PanARMENIAN.Net - Ադրբեջանը սերտ տնտեսական կապեր ունի ԵՏՄ անդամ երկրների մեծ մասի հետ, սակայն կարող է անդամակցել Եվրասիական միությանը միայն Հայաստանի համաձայնության դեպքում: Այս մասին հայտարարել է Կովկասագետների գիտական ընկերակցության նախագահ Ալեքսանդր Կռիլովը EADaily-ին տված հարցազրույցում` անդրադառնալով ԵՏՄ-ին Ադրբեջանի անդամակցության հեռանկարներին, որի մասին խոսակցությունները վերջին շրջանում ակտիվացել են: Վերջին շրջանում Ադրբեջանի պաշտոնյաները բազմիցս են հայտարարել, որ հնարավոր են համարում Ադրբեջանի անդամակցումը ԵՏՄ-ին: Հոկտեմբերի 26-ին հերթական անգամ այդ մասին հայտարարեց Ադրբեջանի էկոնոմիկայի և արդյունաբերության փոխնախարար Սևինջ Հասանովան: «Մենք հնարավոր ենք համարում մասնակցությունն այն միություններին, որոնք շահավետ են Ադրբեջանի համար: Դրա համար պետք է վերլուծել նման կազմակերպություններին անդամակցելու բոլոր առավելություններն ու թերությունները»,-ասել է նա: Ավելի վաղ նման հայտարարություն էր արել Ադրբեջանի ԱԳ նախարար Էլմար Մամեդյարովը: Փորձագետը հիշեցրել է, որ բոլոր որոշումները ԵՏՄ-ում կայացվում են կոնսենսուսի հիման վրա: Անդամակցության համար հարկավոր է ստանալ ԵՏՄ անդամ բոլոր պետությունների համաձայնությունը: Ակնհայտ է, որ անիրատեսական է ակնկալել, որ ՀՀ-ն կտա իր համաձայնությունը մինչև Ադրբեջանի հետ հարաբերությունների կարգավորումը: «Ուստի առաջիկայում ԵՏՄ-ին անդամակցելու հավանականության մասին Բաքվի բոլոր հայտարարությունները բացառապես դեկլարատիվ բնույթ են կրելու`առանց իրականացվելու շանսերի»,-ասել է նա: «Ադրբեջանը կարող է միանալ ԵՏՄ-ին միայն 2 դեպքում. եթե Հայաստանը տա իր համաձայնությունը, կամ եթե Հայաստանն ինքն այս կամ այն պատճառով որոշի դուրս գալ այդ ինտեգրացիոն միավորումից: Ակնհայտ է, որ և մեկը, և մյուսը հնարավոր է միայն տեսականորեն: Առնվազն, տեսանելի ապագայում»,-հավելել է փորձագետը: Հայաստանը ԵՏՄ-ին անդամակցելու համաձայնագիրը կնքել է 2014-ի հոկտեմբերի 10-ին և ԵՏՄ լիիրավ անդամ դարձավ 2015-ի հունվարի 2-ին: Միությանն անդամակցում են նաև ՌԴ-ն, Բելառուսը, Ղազախստանն ու Ղրղզստանը: ՌԴ ԱԳՆ-ն հայտարարել է, որ մոտ 40 երկիր ու միավորում շահագրգռված է ԵՏՄ հետ ազատ առևտրի գոտիներ ստեղծելու հարցում: Ավելի ուշ, Ղազախստանի փոխնախարար Թիմուր Ժակսիլիկովը հայտարարեց, որ բանակցություններ են ընթանում Նոր Զելանդիայի, Լատինական Ամերիկայի երկրների հետ: Ավելի վաղ Հայաստանի ԱԳՆ-ն տեղեկացրեց, որ «Հայաստանը, որպես ԵՏՄ լիիրավ անդամ, մասնակցում է միության բոլոր գործընթացներին», մեկնաբանելով հայկական կողմի մասնակցությունը ԵՏՄ-ում նոր անդամ ներգրավելու բանակցություններին: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |