Պեսկով. Մոսկվան մտադիր է կապեր հաստատել սիրիական ընդդիմության հետ29 հոկտեմբերի 2015 - 17:29 AMT PanARMENIAN.Net - Մոսկվան ուղիներ է փնտրում Սիրիայի ընդդիմության չափավոր հատվածի հետ շփումներ հստատելու համար: Նման հայտարարություն է արել ՌԴ նախագահի մամուլի քարտուղար Դմիտրի Պեսկովը: «Ինձ հայտնի չէ, թե ինչ առաջխաղացում կա այս հարցում, սակայն տարվում է բավականին ակտիվ, հետևողական աշխատանք»,-ասել է Պեսկովը: Ավելի վաղ Սիրիայի ազատ բանակի հետ շփումներ հաստատելու փորձերի մասին հայտարարել էր նաև ՌԴ ԱԳ նախարար Սերգեյ Լավրովը: Մինչդեռ սիրիական բանակը հրետակոծում է գրոհայինների դիրքերը Համա գավառի հյուսիսում` նախապատրաստվելով գրոհի Իդլիբի ուղղությամբ, որն ամբողջությամբ վերահսկվում է գրոհայինների կողմից, հայտնում է ՌԻԱ Նովոստի գործակալությունը: «Այս դիրքերն ամրացվել են մի քանի օր առաջ` ճնշելու համար գրոհայիններին դեպի Իդլիբ և ազատագրելու համար Համա գավառը: Նպատակն է հասնել թուրքական սահման և հսկողություն հաստատել ամբողջ գավառում»,-ասել է դիրքերից մեկի հրամանատարը: Իդլիբը ռազմավարական նշանակություն ունի, քանի որ գտնվում է Սիրիայի և Թուրքիայի սահմանից ոչ հեռու և 40 կմ հեռավորության վրա է երկրի «տնտեսական մայրաքաղաք Հալեպից: Հալեպն արտաքին աշխարհին կապող միակ ճանապարհը՝ Խանասերը, փակ է, քաղաք մտնելն ու քաղաքից դուրս գալն անհնար: Արդեն երկու օր է էլեկտրականություն չկա, խափանված է նաև ջրամատակարարումը: Ըստ ՄԱԿ տվյալների, Սիրիայում հակամարտության 4,5 տարվա ընթացքում զոհվել է ավելի քան 250 հազար մարդ, ավելի քան 4 մլն դարձել է փախստական: Հումանիտար օգնության կարիք ունեցողների թիվը գերազանցում 12 միլիոնը, որոնցից գրեթե 500 հազարը դժվարանցանելի շրջաններում է գտնվում: Ինչպես 2015-ի հոկտեմբերի սկզբին հայտնել է ՄԱԿ փախստականների գծով գերագույն հանձնակատարի վարչությունն, աշխարհում փախստականների, ապաստան հայցողների և ներքին տեղահանվածների քանակը գերազանցել է 60 միլիոնը և շարունակում է աճել: 2015-ի սեպտեմբերի 30-ից Ռուսաստանը Սիրիայի նախագահ Բաշար Ասադի խնդրանքով կետային ավիահարվածներ է հասցնում ԻՊ գրոհայինների դիրքերին Սիրիայում` Սու-25 կործանիչների, ինչպես նաև ՍՈւ-24Մ և ՍՈւ-34-ի կիրառմամբ: Ըստ ՌԴ ՊՆ, ռուսական ավիացիան արդեն զգալի վնաս է հասցրել գրոհայինների կառավարման համակարգին և նյութատեխնիկական ապահովմանը, ինչպես նաև մահապարտ ահաբեկիչների պատրաստման ենթակառուցվածքներին: Photo: Ria.ru Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |