ԵՄ. Միությանն անդամակցելու համար «Թուրքիան պետք է երաշխավորի խոսքի ազատությունը»30 հոկտեմբերի 2015 - 17:36 AMT PanARMENIAN.Net - Եվրամիությունը առաջնային է համարում ԶԼՄ-ների ազատության և իրավունքի գերակայության քննարկումը Թուրքիայի իշխանությունների հետ բանակցություններում, հայտարարել է ԵՄ դիվանագիտության ղեկավար Ֆեդերիկա Մոգերինիի պաշտոնական ներկայացուցիչ Քաթրին Ռեյը: «Մենք ուշադիր հետևում ենք Թուրքիայում իրադարձությունների զարգացմանը: Մենք ցանկանում ենք հիշեցնել օրենքի գերակայության և մամուլի ազատության կարևորության մասին: Մենք բազմիցս ենք կոչ արել անվտանգ և ազատ պայմաններ ապահովել լրագրողների աշխատանքի համար, քանի որ դա է ժողովրդավարական հասարակության հիմքը»,-ասել է Ռեյը լրագրողներին, հայտնում է ՌԻԱ Նովոստին: Ըստ նրա, Թուրքիան, ինչպես յուրաքանչյուր այլ երկիր, որը բանակցում է ԵՄ-ին անդամակցելու մասին, «պետք է երաշխավորի մարդու իրավունքների պահպանումը, ներառյալ խոսքի ազատությունը»: «Մենք կշարունակենք քննարկել այս հարցը թուրքական իշխանությունների հետ որպես առաջնային»,-ասել է Ռեյը: Հոկտեմբերի 28-ին Եվրամիությունն իր մտահոգությունը հայտնեց թուրքական Koza-Ipek հոլդինքի հեռուստաալիքների վրա հարձակումների առնչությամբ և կոչ արեց Թուրքիայի իշխանություններին պահպանել խոսքի ազատությունը: Ավելի վաղ Reuters գործակալությունը հայտնել էր, որ Թուրքիայի ոստիկանությունը գրոհել է Koza-Ipek հոլդինքի 2 հեռուստաալիքի գրասենյակները` ԱՄՆ-ում բնակվող ընդդիմադիր իսլամիստ քարոզիչ Ֆեթուլլահ Գյուլենի դեմ պայքարի շրջանակում: Վերջինս նաև համարվում է նախագահ Էրդողանի գլխավոր հակառակորդը: Թուրքիայի իշխանությունները ստանձնել են հոլդինգի 22 ընկերությունների կառավարումը: Հոկտեմբերի 10-ին Ստամբուլում ձերբակալվել է Թուրքիայի առաջատար անգլալեզու Today's Zaman թերթի գլխավոր խմբագիրը Բյուլենթ Քենեշը: Նրան մեղադրում են Թուրքիայի նախագահ Ռեջեփ Թայիփ Էրդողանին և նրա համախոհներին Twitter-ում վիրավորելու համար: Ավելի վաղ Sözcü daily պարբերականի 2 լրագրող մեղավոր է ճանաչվել ու դատապարտվել 1 տարվա ազատազրկման Էրդողանին և նրա կուսակիցներն վիրավորելու համար: 2014-ին հարյուրավոր մարդիկ, հիմնականում «հայտնի մտավորականներ, լրագրողներ ու քաղաքացիներ», կանգնել en դատարանի առջև Թուրքիայի ՔՕ 299 հոդվածով, որը հաճախ է օգտագործվում նախագահին վիրավորելու համար մեղադրանք ներկայացնելիս: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |