Նախարար. Սահմանամերձ գյուղերում ապաստարաններ կկառուցվեն և գիշերային հերթապահություն կիրականացվի 2 նոյեմբերի 2015 - 17:36 AMT PanARMENIAN.Net - ՀՀ տարածքային կառավարման և արտակարգ իրավիճակների նախարարությունը Ազգային ժողովի քննարկմանը կներկայացնի օրենքի նախագիծ, որը վերաբերում է Հայաստանի սահմանամերձ գյուղերում նախարարության կատարելիք ծառայությանը: Այս մասին Ազգային ժողովում 2016թ. պետական բյուջեի նախագծի քննարկման ժամանակ հայտարարել է ՏԿԱԻ նախարար Արմեն Երիցյանը՝ պատասխանելով պատգամավոր Թևան Պողոսյանի հարցին, հայտնում է Panorama.am-ը: «Տավուշի մարզի 24 սահմանամերձ գյուղերում նախարարությունը ծառայություն է կատարելու տարբեր ուղղություններով: Այդ գյուղերում կան ջրամբարներ, որոնց պահպանման խնդիրներն ենք լուծելու»,- ասել է Ա.Երիցյանը՝ հավելելով, որ Ազատամուտ համայնքում արդեն 32 հոգու աշխատանքի են ընդունել: «Բացի այդ, գիշերվա ժամերին մեր տղաները կիրականացնեն հերթապահություն այն գյուղերում, որտեղ հնարավոր է լինեն դիվերսիաներ կամ Ադրբեջանից մարդիկ մտնեն»: Ինչ վեաբերում է Տավուշի սահմանամերձ գյուղերում կառուցվելիք ապաստարաններին, Ա.Երիցյանը նշեց, որ այժմ այդ ուղղությամբ աշխատանքներ տարվում են, քննարկվում է գումարի չափը: «Մենք փորձում ենք այդ գյուղերում անհատական ապաստարաններ կառուցել, կան դպրոցներ, որոնց նկուղներն ենք փորձում կարգի բերել: Մենք այս պաին հաշվարկ ենք անում և շուտով ֆինանսների նախարարությանը կներկայացնենք, թե որքան գումար է անհրաժեշտ ապաստարանների հարցը լուծելու համար»,- նշել է Արմեն Երիցյանը: Անդրադառնալով Բեքաբերի խնդիրներին նախարարն ասել է. «Մենք այնպես կանենք, որ գյուղի բնակիչներին ապաստարաններում պահենք: Այնտեղ դպրոցի հետ կապված խնդիր կա, դպրոցի վրա էլ են կրակում, այդ ուղղությամբ էլ ենք աշխատում ու ոչ միայն այդ գյուղում»: Սեպտեմբերի 24-ի երեկոյան Տավուշի սահմանամերձ գյուղերի գնդակոծության հետևանքով զոհվեցին Բերդավանի խաղաղ բնակիչներ 94-ամյա Շուշան Ասատրյանից և 41-ամյա Սոնյա Ռևազյանը, Պառավաքարի բնակիչ, 83-ամյա Պայծառ Աղաջանյանը, ևս երկուսը վիրավորվել են: Ադրբեջանական մարտական հենակետերից իրականացված նպատակային գնդակոծության հետևանքով վնասվել են Տավուշի մարզի Բերդավան համայնքին պատկանող «Գեղագիտական կենտրոնի» և երաժշտական դպրոցի շենքերը՝ պատճառելով խոշոր չափերի գույքային վնաս: Զգալի վնասներ են կրել Բերդավանի, Այգեհովիտի և Պառավաքարի բնակիչները. գնդակոծության հետևանքով վնասվել են գյուղացիների տները, գույքը, պտղատու այգիները։ Նշանակվել են ապրանքագիտական փորձաքննություններ՝ պատճառված գույքային վնասների չափերը պարզելու համար: Գնդակոծության հետևանքով Այգոհովիտ համայնքի բնակիչները չեն կարողացել խաղողի այգիներում բերքահավաք իրականացնել: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին Աբրահամյանն ու Օհանյանը սահմանազատմանը վերաբերող հարցեր են քննարկել ԵՄ դեսպանի հետ Բաքվի բանտերում գտնվող Արցախի նախկին ռազմաքաղաքական ղեկավարների խնդիրը |