ՀՀ մշտական բնակչության թիվն 9 ամսում նվազել է 6.600-ով

4 նոյեմբերի 2015 - 11:13 AMT

PanARMENIAN.Net - 2015-ի 9 ամսում ՀՀ մշտական բնակչությունը նվազել է 6.600 մարդով, հայտնում է Ազգային վիճակագրական ծառայությունը: Հոկտեմբերի 1-ի դրությամբ Հայաստանի մշտական բնակչության թվաքանակն ըստ 2011-ի մարդահամարի հիման վրա և ընթացիկ հաշվառման տվյալների կազմել է 3 մլն 4 հազար մարդ, որից 1.910.900-ը բնակվում է քաղաքներում, 1.093.100-ը` գյուղական վայրերում:

Ըստ Ազգային վիճակագրական ծառայության, հաշվետու շրջանում ՀՀ բնակչության նվազումը 6.600-ով պայմանավորված է բացասական միգրացիոն սալդոյով, որը 16.300-ով գերազանցում է բնակչության բնական աճը` 9.800 մարդ:

Ընթացիկ տարվա 9 ամսում երկրում ծնված երեխաների թիվը նվազել է 2,5%-ով նախորդ տարվա համեմատ` կազմելով 30.666: Մահացությունները հաշվետու շրջանում նվազել են 0,7%-ով` կազմելով 20.900 մարդ: Այսպիսով, բնական աճը կազմել է 9.766 մարդ:

Ըստ ՀՀ Սահմանային էլեկտրոնային կառավարման վարչության տեղեկատվական համակարգի տվյալների, այս ընթացքում սահմանային անցակետերում արտաքին ուղևորափոխադրումների տարեկան համախառն ծավալը կազմել է 4.101.200 ուղևորություն, հայտնում է ԱՌԿԱ գործակալությունը:

Հաշվետու ժամանակաշրջանում, (առանց նույնականացման) ժամանումների քանակը կազմել է 2.004.903` անկումը 0,42%, իսկ մեկնումներինը` 2.096.627` անկումը 1%: