Հետազոտություն. Հայերենն աշխարհի 60 ամենաազդեցիկ լեզուների թվում է12 նոյեմբերի 2015 - 14:54 AMT PanARMENIAN.Net - Մասաչուսեթսի տեխնոլոգիական ինստիտուտի մասնագետների բազմապրոֆիլ խումբը հետազոտել է աշխարհի մոտ 1000 լեզուների կիրառումն ու փոխադարձ կապերը` որոշելու համար նրանց ազդեցիկության աստիճանը: Հետազոտության համար օգտագործվել են վերջին 30 տարում ավելի քան 2,2 մլն գրքերի թարգմանության, Վիքիփեդիայում հոդվածների և հեղինակների քանակի, Twitter-ում գրառումների վերաբերյալ տվյալները և մի շարք այլ տեղեկություններ: Հայոց լեզուն 48-րդ ամենաազդեցիկ լեզուն է ճանաչվել գրքերի թարգմանության մասով, 59-ը` ըստ ազդեցիկության Վիքիփեդիայում, 57-րը` Twitter-ում: Ըստ հետազոտողների, հայերենի կրող է համարվում 6 մլն մարդ, 30 տարում հայերենից թարգմանվել է 1100 գիրք, հայերեն` 2139: Հետազոտությունը նաև բացահայտել է կապերը լեզուների միջև` լեզվային մի միջավայրից մյուսին տեղեկատվություն փոխանցելիս: Հայերենի համար գլխավոր կապակցողներն են համարվել ռուսերենն ու անգլերենը: Դա նշանակում է, որ օրինակ, ֆրանսերեն կամ իսպաներեն գրված հաղորդագրությունը հայալեզու միջավայրում է հայտնվում ռուսերեն և անգլերեն աղբյուրներից թարգմանության միջոցով: Ինչպես և ակնկալվում էր, գրականության թարգմանությունների մասով ամենաազդեցիկն է ճանաչվել անգլերենը, որին հաջորդում են ֆրանսերենը, գերմաներենը, իտալերենը և ռուսերենը: Առաջին տասնյակում են նաև իսպաներենը, ճապոներենը, հոլանդերենը, լատիներենը և շվեդերենը: Արաբերենը միայն 19-րդն է, չինարենը`20-րդն ըստ ազդեցիկության: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |