Դումայում քննարկում են ՌԴ քաղաքացիների համար ելքի վիզաների ներդրման հնարավորությունը13 նոյեմբերի 2015 - 15:58 AMT PanARMENIAN.Net - Պետդումայում քննարկում են ՌԴ քաղաքացիների համար ելքի արտոնագրերի ներմուծման հնարավորությունը: Այդ մասին «Գովորիտ Մոսկվա» ռադիոկայանի ուղիղ եթերում հայտնել է Պետդումայի սահմանադրական օրենսդրության և պետականաշինության կոմիտեի փոխնախագահ Վադիմ Սոլովյովը: Նա նշել է, թե որքան կարևոր է ՌԴ քաղաքացիներին իրազեկել այն երկրների անվտանգության մասին, ուր նրանք մտադիր են մեկնել հանգստանալու: Ըստ նրա, Պետդումայում քննարկում են այս գաղափարի իրագործման տարբերակները, որոնցից մեկը կարող է լինել ելքի արտոնագրերի ներմուծումը: «Այժմ շատ են առաջարկները ելքի արտոնագրեր սահմանելու վերաբերյալ: ԱԳՆ և ազգային անվտանգության պաշտոնական ներկայացուցիչները պետք է բացատրեն, թե ինչ ռիսկի է նա ենթարկվում: Եվ երբ նա արդեն ստանում է այդ պաշտոնական տեղեկատվությունը, ստորագրում է, որ` այո, ես ամեն ինչ գիտեմ, տեղյակ եմ, ինձ զգուշացրել են, բայց ես պնդում եմ, որ պետք է մեկնեմ, այդ ժամանակ նրան կթույլատրեն մեկնել»,-ասել է Սոլովյովը, հայտնում է Gazeta.ru-ն: Ավելի վաղ փոխվարչապետ Արկադի Դվորկովիչը հայտարարել էր, որ «արտագնա տուրիզմի սահմանափակումներ Ռուսաստանում չեն լինի: Ըստ նրա, ՌԴ իշխանություններն անվտանգության աուդիտ են անցկացնում արտերկրի օդանավակայաններում: Նոյեմբերի 6-ին ՌԴ որոշեց դադարեցնել ավիահաղորդակցությունը Եգիպտոսի հետ և տարհանել այնտեղ մնացած բոլոր զբոսաշրջիկներին: Հոկտեմբերի 31-ի վաղ առավոտյան ռուսական «Կոգալիմավիա» ավիաընկերության Airbus-321 օդանավը, որը կատարում էր 9268 Շարմ էլ Շեյխ- Սանկտ Պետերբուրգ չվերթը, վթարի ենթարկվեց թռիչքից 23 րոպե անց: Ինքնաթիռում կար 217 ուղևոր և անձնակազմի 7 անդամ: A 321-ի ինքնագրիչների վերծանմամբ զբաղվող քննիչները հայտնել են, որ գրանցվել է պայթյուն, որը կապված չի եղել շարժիչի խափանման հետ: «Սև արկղերի» ձայնագրությունները թույլ են տալիս լսել պայթյունի աղմուկը, որը տեղի է ունեցել թռիչքի ժամանակ»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազան․ Իշխան Զաքարյանը չի մերժել միանալ գործընթացին Սրբազանը հավելել է, որ առաջին անգամ կարող ենք ասել, որ ընդդիմադիր խմբակցությունները հաղթահարել են առաջին փուլը Հայաստան կժամանի ԵԱՀԿ գործող նախագահը Այցն աշխատանքային է Երևանում քաղաքացիները փողոցներ են փակում․ Ավելի քան 80 բերման ենթարկված կա Որոշ ժամանակ փակ էր Մյասնիկյան պողոտան, քաղաքացիները փակել են Բաղրամյան պողոտան «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել |