Ֆինանսների նախարար. Խստացնելու ենք վերահսկողությունը հարկային դաշտում 4 դեկտեմբերի 2015 - 17:43 AMT PanARMENIAN.Net - Հարկային օրենսգրքում մշակվող փոփոխություններով փորձելու ենք կարգավորել դաշտը՝ երկարատև կայունություն ստեղծել գործարարների համար, նպաստել տնտեսության աշխուժացմանը: Այս մասին ասել է ֆինանսների նախարար Գագիկ Խաչատրկանը: Ըստ Խաչատրյանի, արդեն իսկ բազմաթիվ արտոնություններ են տրվել փոքր ու միջին բիզնեսին՝ փաստաթղթերով աշխատողների շրջանառության հարկն են նվազեցրել: Սակայն կասկածներ ունեն, որ խոշոր գործարարներն են օգտվում փոքրերի համար նախատեսված արտոնություններից, ուստի խստացնելու են վերահսկողությունը: «Շրջանառության հարկի դաշտում բազմաթիվ տնտեսվարողներ փորձում են գրավել այն տեղը, որը իրենցը չի՝ թաքցնելով շրջանառության ծավալները: Այդտեղ մենք կոշտ վարչարարություն ենք իրականացնելու, որպեսզի պաշտպանենք այն փոքր ու միջին ձեռնարկատերերին, որոնք ազնիվ են աշխատում», - ասել է նախարարը, հաղորդում է«Ազատություն» ռադիոկայանը: Փոքր և միջին ձեռնարկատերերի ասոցիացիայի փոխնախագահ Սամսոն Գրիգորյանը, սակայն, գտնում է, որ Հայաստանում գործարարների տեղերը «վաղուց որոշված են»․ - «Որոշված է՝ ով է ստվերի տակ լինելու, ով է պարզ աշխատելու: Մանր բիզնեսը միշտ էլ աշխատել է բաց, պարզ»: Փոքր ու միջին գործարարները, Գրիգորյանի փոխանցմամբ, մտավախություն ունեն, որ կառավարության հերթական նախաձեռնությունը իրավիճակը լավացնելու փոխարեն դարձյալ վատթարացնելու է արդեն իսկ բարդ վիճակը: Նա համոզված է, որ ստվերում թաքնվող խոշոր գործարարներին կարելի է շատ ավելի հեշտ հայտնաբերել: «Կարելի է ուղղակի մաքսային սահմանին հետևել ինչ է կատարվում, ինչ է ներկրվում: Շատ հեշտ, շատ քիչ ռեսուրսներ ծախսելով կարելի է հայտնաբերել խոշորներին, առանձնացնել մանրերից և պարզել, թե որտեղ է ստվերը գտնվում», - ասել է նա: Գործարարի խոսքով՝ կառավարության տրամադրած «հարկային արտոնությունից» շատերը չեն կարողանում օգտվել․ այն տրվում է միայն ապրանքների ձեռքբերման փաստաթղթեր ներկայացնողներին: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բաղանիսի և Ոսկեպարի ղեկավարները դժգոհ են փոխվարչապետի հետ հանդիպումից․ Երևանում նրանց հորդորել են հանդարտեցնել մարդկանց Նշվել է, որ կոնկրետ Բաղանիս Այրումի հատվածում սահմանի փոփոխություններ կլինեն արդեն ապրիլի 23–ից սկսած Սիմոնյանը՝ ԵՄ համաժողովում․ Մտահոգիչ է, որ ՌԴ բազմաթիվ պաշտոնյաներ համարձակվում են թելադրել Հայաստանի շահերը Նա խոսել է Հայաստանի դեմ ՌԴ և Ադրբեջանի հիբրիդային հարձակման մասին՝ կապված ապրիլի 5-ի Բրյուսելի հանդիպման հետ ՀՑԹ տնօրեն. Մոտ 200,000 հայ երեխա ու երիտասարդ կին Հայոց ցեղասպանության տարիներին բռնի ձուլվել է Նա ընդգծվել է, որ ցեղասպանությունը միայն սպանությունների մասին չէ ԱԽ քարտուղար. ՌԴ խաղաղապահներն ուղևորվել են Գորիսի և Սիսիանի ժամանակավոր տեղակայման վայրեր` կազմակերպելու դրանց փակումը Նրանք Գորիսում և Սիսիանում էին Լաչինի միջանցքի բնականոն գործունեությունն ապահովելու նպատակադրմամբ |