Թուրք զինվորականները մտել են Իրաք. Բաղդադը դա ներխուժում է համարում 5 դեկտեմբերի 2015 - 10:56 AMT PanARMENIAN.Net - Բաղդադը ինքնիշխանության խախտում է գնահատում թուրք զինվորականների մուտքը Իրաքի տարածք և պահանջում է Անկարայից անհապաղ դուրս բերել նրանց, հայտնել է Իրաքի վարչապետի մամուլի ծառայությունը: Ավելի վաղ ԶԼՄ-ները հայտնել էին, որ թուրքական իշխանությունները 130 զինվորական են գործուղել Մոսուլի շրջան` վարժեցնելու համար իրաքցի քրդերի մարտիկներին: «Թուրքիայի զինված ուժերը, որոնք տեղակայված էին Մոսուլի հարևանությամբ, ներխուժել են երկիր առանց համաձայնեցման և պետք է անհապաղ դուրս բերվեն»,-ասվում է հայտարարության մեջ: Ըստ Reuters գործակալության, Իրաքի ԱԳՆ-ն հայտարարություն է տարածել բոլոր հեռուստաալիքներով, որտեղ ասվում է, որ թուրքական զինվորականների մուտքը երկիր «ներխուժում է» և որ ցանկացած ռազմական գործողություն, որը համաձայնեցված չէ Բաղդադի կառավարության հետ, չի կարող անցկացվել, հայտնում է ՌԻԱ Նովոստին: Ավելի ուշ Reuters գործակալությունը ԱՄՆ ՊՆ-ում սեփական աղբյուրների վրա հղումով հայտարարեց, որ Թուրքիայի նախաձեռնությունը կապ չունի ԱՄՆ գլխավորած կոալիցիայի գործողությունների հետ, սակայն կոալիցիան զգուշացվել էր այն մասին, որ Թուրքիան զինուժ է ուղարկում այդ տարածք: Ավելի վաղ ԱՄՆ պաշտպանության նախարար Էշթոն Քարթերը հայտարարել էր, որ Վաշինգտոնը Իրաք է գործուղում հատուկ նշանակության ուժերի, որոնք նախատեսված են «Իսլամական պետության» դեմ պայքարելու համար: Ելույթ ունենալով Ներկայացուցիչների պալատի զինված ուժերի վերաբերյալ լսումներում` Քարթերը հայտնել է, որ նրանք մարտական գործողություններ կիրականացնեն իրաքյան քրդերի և Իրաքի կառավարական բանակի հետ համատեղ և պարբերաբար «միակողմանի գործողություններ«` Սիրիայի տարածքում, ինչպես նաև մտադիր են գերեվարել ԻՊ առաջնորդներին, հայտնում է BBC-ի ռուսական ծառայությունը: Ավելի վաղ Իրաքի խորհրդարանը նախատեսում էր քվեարկության դնել ՌԴ ավիացիայի աջակցության համար Մոսկվային դիմելու հարցը` «Իսլամական պետության» դեմ պայքարելու նպատակով: Սակայն ԱՄՆ միավորված շտաբների հրամանատար Ջոզեֆ Դենֆորդը հայտարարեց, որ Վաշինգտոնը կարող է դադարեցնել աջակցել Իրաքին ԻՊ դեմ պայքարում, եթե երկրի տարածքում մղվող մարտերին միանա ռուսական կողմը: «Մեզ շատ դժվար կլինի ձեզ օգնություն տրամադրել, եթե Ռուսաստանը ևս մասնակցի գործողություններին», - ասել էր նա Իրաքի վարչապետ Խայդար ալ-Աբադիի հետ հանդիպման արդյունքներով: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |