Թուրք նախարարը մեղադրել է ՌԴ-ին նեղուցների մասին կոնվենցիան խախտելու մեջ 7 դեկտեմբերի 2015 - 13:33 AMT PanARMENIAN.Net - Թուրքիայի տրանսպորտի, նավագնացության և հաղորդակցությունների նախարար Բինալի Յիլդիրիմը, մեկնաբանելով թուրքական ԶԼՄ-ներում հայտնված լուսանկարները, որտեղ իբր ՌԴ զինծառայողը ռուսական ռազմանավի տախտակամածում զենիթահրթիռային համակարգն ուսին է դրած Բոսֆորի նեղուցում, Մոնտրյոի նեղուցների մասին կոնվենցիայի խախտում է համարել: Թուրքական ԶԼՄ-ները պնդում են, որ խոսքը «Ցեզար Կունիկով» ռազմանավի մասին է, որը ենթադրաբար լուսանկարվել է դեկտեմբերի 6-ին` Բոսֆորով անցնելիս: Ավելի վաղ Թուրքիայի ԱԳՆ ղեկավար Մևլութ Չավուշօղլուն այդ միջադեպը սադրիչ էր անվանել: «Հրթիռային շարժական համալիրն ուսին դրած ռուս զինծառայողի հետ կապված միջադեպը տեղի է ունեցել Բսոֆորի նեղուցով անցնելիս: Դա բացահայտ սադրանքի տարր է: Դա նաև նեղուցների կարգավիճակի մասին Մոնտրյոյի կոնվենցիայի խախտում է և բացահայտ սպառնալիք»,-հայտարարել է Յիլդիրիմը Anadolu գործակալությանը տված հարցազրույցում, հայտնում է ՌԻԱ Նովոստին: Նա նշել է, որ միջազգային համաձայնությունների և կանոնների պահպանման դեպքում նեղուցով անցումների սահմանափակում չի լինի: Եթե բացահայտ սպառնալիքներ ի հայտ գան, անհրաժեշտ միջոցներ կկիրառվեն, հավելել է Յիլդիրիմը: 1936 թ. Մոնտրյոյի կոնվենցիայով սահմանվել է Թուրքիայի ինքնիշխանությունը Բոսֆորի և Դարդանելի նեղուցներում, ինչպես նաև սահմանափակվել է դեպի Սև ծովը ելք չունեցող պետությունների ռազմական նավերի ներկայությունը Սև ծովում: Ռուսաստանի և Թուրքիայի հարաբերությունները կտրուկ սրվեցին նոյեմբերի 24-ին թուրքական օդուժի կողմից ռուսական Սու-24- խոցումից հետո: Նոյեմբերի 24-ին թուքական F-16 կործանիչը ռուսական Սու-24 ինքնաթիռ է խոցել Սիրիայի հետ սահմանին: Սու-24 ռուսական ռազմական ինքնաթիռը խոցվել է Սիրիայի տարածքում «օդ-օդ» հրիթռով, հայտարարել է Ռուսաստանի նախագահ Վլադիմիր Պուտինը: Ըստ ՌԴ նախագահի, ռուս օդաչուներն ու ռուսական ինքնաթիռը չէին սպառնում Թուրքիային: «Սու-24 ռուսական ռազմական ինքնաթիռի խոցումը հարված է թիկունքից, որ հասցրեցին ահաբեկիչներին աջակցողները»,-ասել է նա: Միաժամանակ ՌԴ նախագահը հայտարարել է, որ ՌԴ-ն վաղուց է ֆիքսել, որ Թուրքիայի տարածքում շատ նավթ կա, որը ստացվում է ԻՊ կողմից վերահսկվող հանքերից: Նոյեմբերի 25-ին հայտնի դարձավ, որ ՌԴ պաշտպանության նախարարությունը Սիրիայի Հմեյմիմ ավիաբազա կուղարկի С-400 նորագույն զենիթահրթիռային համակարգեր: Նոյեմբերի 26-ին Ռուսաստանն արդեն տեղակայել էր Սիրիայում նորագույն С-400 զենիթահրթիռային համակարգը, որը դեռ նմանը չունի աշխարհում: С-400 համակարգը «Մոսկվա» հրթիռային հածանավի «Ֆորտ» համալիրի հետ միասին ապահովում է ռուսական ավիախմբի թռիչքների անվտանգությունը և կոչնչացնի սպառնալիք ներկայացնող ցանկացած թիրախ: Ուշագրավ Այցն աշխատանքային է Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Ամենաընթերցվողը բաժնում | Փաշինյան․ Մենք գնում ենք Ադրբեջանի գնած սպառազինության 15-20%-ը Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը ՀՀ և Ադրբեջանի սահմանին փորձագետները սկսել են կոորդինատների ճշտումը Նշվում է, որ դա արվում է հանձնաժողովի 8-րդ հանդիպման արդյունքներով ձեռք բերված պայմանավորվածությունների համաձայն Վարչապետ․ ՀԱՊԿ–ը սահման պիտի գար որպես ՀՀ դաշնակից, ոչ թե որպես խաղաղապահ կամ խաղաղարար «Այս պայմաններում մենք չենք կարող ուղղակի ձևացնել, թե այդ ամեն ինչը չենք նկատում»,–ասել է նա Բաղանիսի և Ոսկեպարի ղեկավարները դժգոհ են փոխվարչապետի հետ հանդիպումից․ Երևանում նրանց հորդորել են հանդարտեցնել մարդկանց Նշվել է, որ կոնկրետ Բաղանիս Այրումի հատվածում սահմանի փոփոխություններ կլինեն արդեն ապրիլի 23–ից սկսած |