Ադրբեջանն ու Տաջիկստանը մտադիր են միանալ սաուդյան հակաահաբեկչկան կոալիցիային

21 դեկտեմբերի 2015 - 13:38 AMT

PanARMENIAN.Net - Ադրբեջանն ու Տաջիկստանը քննարկում են Սաուդյան Արաբիայի գլխավորած իսլամական ռազմական կոալիցիային միանալու հնարավորությունը, հայտնում է «Աշ Շարք ալ Աուսաթ» թերթը:

Տաջիկստանի ղեկավարությունն այժմ ուսումնասիրում է Սաուդյան Արաբիայի առաջարկն ահաբեկչության դեմ պայքարում իսլամական կոալիցիային անդամակցելու հարցը, հայտնում է Haqqin.az-ը ՏԱՍՍ-ի վրա հղումով: Ինչպես ասել է դեսպան Շարիֆ Ազամշո Լատիֆզոդան, Տաջիկստանի նախագահ Էմոմալի Ռահմոնը հունվարին կայցելի Սաուդյան Արաբիա և կհանդիպի թագավոր Սալմանի հետ: Կողմերը կքննարկեն ահաբեկչության դեմ պայքարին առնչվող հարցեր:

Թագավորությունում Ադրբեջանի դեսպան Ռասիմ Ռզաևը հաստատել է, որ Բաքուն նույնպես քննարկում է համապատասխան առաջարկը: «Ադրբեջանը սատարում է ահաբեկչության ցանկացած դրսևորման դեմ պայքարելու ձգտմանը, դա բխում է մեր երկրի շահերից: Ուստի մենք քննարկում ենք առաջարկը»,-ասել է դիվանագետը:

Դեկտեմբերի 15-ին Սաուդյան Արաբիան հայտարարեց ահաբեկչության դեմ ռազմական և գաղափարական պայքար մղելու նպատակով իսլամական կոալիցիայի ստեղծման մասին, որին, այդ երկրից բացի, անդամակցում է ևս 33 պետություն: Կոալիցիայի անդամ են դարձել Եգիպտոսը, Հորդանանը, ՄԱԷ-ն, Պակիստանը, Բանգլադեշը, Բահրեյնը, Բենինը, Թուրքիան, Թունիսը, Սենեգալը, Սիեռա Լեոնեն, Սուդանը, Սոմալին, Պաղեստինը, Քաթարը, Քուվեյթը, Լիբանանը, Լիբիան, Մալին, Մալայզիան, Նիգերը, Նիգերիան, Յեմենը, Չադը, Տոգոն, Գաբոնը, Գվինեան, Ջիբուտին, Մարոկկոն, Կոտ դ’ Իվուարը, Մավրիտանիան, Մալդիվներն ու Կոմորյան կղզիները:

Հղումներ թեմայով.

Haqqin.az: Азербайджан и Таджикистан хотят присоединиться к саудовской коалиции

ТАСС: СМИ: Баку и Душанбе могут присоединиться к исламской коалиции во главе с Эр-Риядом

APA. Azerbaijan may join Islamic anti-terror coalition