ՄԱԿ-ի գլխավոր քարտուղար. Սարգսյան-Ալիև հանդիպումը կմոտեցնի խաղաղ գործընթացը23 դեկտեմբերի 2015 - 10:50 AMT PanARMENIAN.Net - ՄԱԿ-ի գլխավոր քարտուղար Բան Կի Մունը հույս է հայտնել, որ դեկտեմբերի 19-ին Բեռնում կայացած Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը կմոտեցնի երկրներին ղարաբաղյան հակամարտության խաղաղ կարգավորմանը։ «Գլխավոր քարտուղարը կարծում է, որ գագաթնաժողովը կողմերին հնարավորություն է տվել քննարկել հրադադարի ռեժիմի խախտման, քաղաքացիական բնակչության շրջանում զոհերի թիվը նվազեցնելուն ուղղված քայլերը, և ուղիներ մշակել խաղաղ գործընթացը մոտեցնելու համար»,- ասվում է ՄԱԿ-ի տարածած հաղորդագրության մեջ, հայտնում է ՌԻԱ Նովոստին: Բան Կի Մունը կարևորել է նաև ԵԱՀԿ ՄԽ գործունեությունը: Նա կոչ է արել Երևանին և Բաքվին շարունակել սերտ գործակցությունը Մինսկի խմբի հետ` իրավիճակի հետագա սրացումից խուսափելու համար, զերծ մնալով այնպիսի գործողություններից, որոնք կարող են նոր բռնությունների պատճառ դառնալ: Դեկտեմբերի 19-ին շվեյցարական Բեռնում տեղի ունեցավ Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումը: Նախագահները քննարկել են վերջին շրջանում բռնությունների դեպքերը և հատուկ մտահոգություն են հայտնել զոհերի հետ կապված՝ այդ թվում և քաղաքացիական անձանց շրջանում՝ պայմանավորված ծանր զրահատեխնիկայի կիրառմամբ: Նախագահներն իրենց աջակցությունն են հայտնել համանախագահների կողմից տարվող աշխատանքին այն առաջարկների շուրջ, որոնք ուղղված են շփման գծում և հայ-ադրբեջանական սահմանին բռնության ռիսկերի նվազեցմանը՝ ներառյալ հետաքննությունների մեխանիզմ կիրառելուն: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |