Ընտրախախտումների առնչությամբ 52 քրգործ է հարուցվել29 դեկտեմբերի 2015 - 17:22 AMT PanARMENIAN.Net - Սահմանադրական հանրաքվեի առնչությամբ 52 քրգործ է հարուցվել: Արդեն ուսումնասիրել են մոտ 500 ահազանգ ու դիմում, տեղեկացնում է Գլխավոր դատախազությունը: Շարունակում է բազմաթիվ դիմումներ ներկայացնել Հայ ազգային կոնգրեսը (ՀԱԿ): Կուսակցության խորհրդարանական խմբակցության անդամ Արամ Մանուկյանը տեղեկացրել է, որ ամեն օր առնվազն 10 դեպքի հարցով դիմում են դատախազություն, հաղորդում է «Ազատություն» ռադիոկայանը: «Էս պահին մենք կրկին հավաքում ենք նյութերը: Ե՛վ վիդեոնյութեր են գալիս, և՛ խախտումների մասին նոր տվյալներ: Տպած նյութերի քանակը հարյուր էջից ավելի է: Մենք հիմա ուզում ենք հանձնել լրատվամիջոցներին․ ծավալը այնքան շատ է, որ այդ ամենը միանգամից չես կարող ուղարկել տպելու, երևի մաս-մաս կուղարկենք: Ընդ որում, կոնկրետ, հստակ արձանագրված խախտումների մասին է խոսքը: Եվ 220 տեղամասի մասին է խոսքը մոտավորապես: 8 ժամից ավելի տեսանյութեր ունենք: 150 գործ է մոտավորապես, որ մեր կողմից ուղարկում ենք դատախազություն: Ամեն օր մենք ուղարկում ենք կից նյութերը, խախտումների նյութերը և դիմումները քրեական գործ հարուցելու մասին», - ասել է նա: Մանուկյանի խոսքով՝ այդ գործերը «շատ ակտիվ քննվում են»: «Հայ Ազգային Կոնգրես» խմբակցությունը դեկտեմբերի 15-ին որոշում էր ընդունել ԱԺ-ի աշխատակազմից համապատասխան ձևաթուղթ վերցնելու և Սահմանադրական դատարան դիմելու համար ԱԺ պատգամավորների անհրաժեշտ ստորագություններ հավաքելու նպատակով: Բոլոր պատագամավորները կարող թին այցելել «Հայ Ազգային Կոնգրեսի» խմբակցություն և մինչև դեկտեմբերի 18 ստորագրել այդ դիմումի տակ: Սակայն«Հայ Ազգային Կոնգրեսին» չէր հաջողվել հավաքել սահմանադրական հանրաքվեի արդյունքները Սահմանադրական դատարանում վիճարկելու համար անհրաժեշտ 27 ստորագրությունը: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Ամերիաբանկի առևտրի ֆինանսավորման մրցանակների ցանկը համալրվել է ՎԶԵԲ-ի և ՄՖԿ-ի 4 հեղինակավոր մրցանակով Ամերիաբանկն առաջին հայկական բանկն է, որը 2013-ին ստացել է հաստատող բանկի կարգավիճակ ՎԶԵԲ-ի ծրագրի շրջանակում ԱՆ․ Կիրանցում կադաստրի կողմից գրանցումները կատարվել են ոչ ճշգրիտ տվյալների հիմքով Նշվում է, որ այդ գրանցումները չեն կարող իրավական հիմք հանդիսանալ |