ԱՄՆ կոնգրեսականները ողջունում են ԼՂՀ-ում կայացած հանրաքվեն
ԱՄՆ Կոնգրեսի Հայաստանին աջակցող խմբի համանախագահներ Ֆրենկ Փալոնեն, Ջո Նոլենբերգը, ինչպես նաեւ կոնգրեսականներ Ադամ Շիֆը եւ Ջորջ Ռադանովիչը շնորհավորել են Լեռնային Ղարաբաղի Հանրապետության (Արցախի) քաղաքացիներին դեկտեմբերի 10-ին Սահմանադրության ընդունման կապակցությամբ, հաղորդում է Ամերիկայի Հայ Դատի հանձնախումբը (ANCA): Արցախի նախագահ Արկադի Ղուկասյանին հղված ուղերձում նշվում է, որ «առաջին Սահմանադրության ընդունումը Ղարաբաղի քաղաքական եւ ժողովրդավարական զարգացման կարեւոր փուլ է: Մենք համոզված ենք, որ Արցախի սահմանադրությունը մարմնավորում է ազատ եւ արդար հասարակության մեջ ապրելու մարդկանց մղումը: Մենք պատրաստ ենք աջակցել ԼՂՀ զարգացմանը, քանի որ Լեռնային Ղարաբաղը պահպանում է հավատրմությունը ազատության, անվտանգության եւ զարգացման գաղափարներին»:
«Ես շնորհավորում եմ Լեռնային Ղարաբաղի ժողովրդին, որը հաստատեց իր պատրաստակամությունն ընթանալու ազատության, խաղաղության, տնտեսական զարգացման եւ տարածաշրջանային կայունության ճանապարհով: Հիմնելով շուկայական տնտեսություն, անցկացնելով ազատ եւ արդար ընտրություններ, պահպանելով մարդու իրավունքները, Լեռնային Ղարաբաղի ժողովուրդը ցույց տվեց, որ արժանի է անկախ պետության` ազատ Ադրբեջանի ստրկացնող ռեժիմից»,-ընդգծել է կոնգրեսական Ադամ Շիֆը:
«Ես շնորհավորում եմ Լեռնային Ղարաբաղի ժողովրդին, որը հաստատեց իր պատրաստակամությունն ընթանալու ազատության, խաղաղության, տնտեսական զարգացման եւ տարածաշրջանային կայունության ճանապարհով: Հիմնելով շուկայական տնտեսություն, անցկացնելով ազատ եւ արդար ընտրություններ, պահպանելով մարդու իրավունքները, Լեռնային Ղարաբաղի ժողովուրդը ցույց տվեց, որ արժանի է անկախ պետության` ազատ Ադրբեջանի ստրկացնող ռեժիմից»,-ընդգծել է կոնգրեսական Ադամ Շիֆը:
