Հայաստանի ռուսական ռազմակայանը նոր անօդաչու սարքեր է ստացել11 հունվարի 2016 - 14:46 AMT PanARMENIAN.Net - Հայաստանում տեղակայված ՌԴ Հարավային ռազմական շրջանի ռուսական ռազմակայանը ժամանակակից ռուսական արտադրության «Տախիոն» անօդաչու սարքեր է ստացել: Ինչպես հայտնում է Հարավային ռազմական շրջանի մամուլի ծառայությունը, մեկ ամսվա ընթացքում «Կամխուդ» և «Ալագյազ» բարձր լեռնային զորավարժարաններում մարտիկները կսովորեն աշխատել նոր սարքերի հետ: «Տախիոն» արդիական անօդաչու թռչող սարքերը կիրառվում են ռազմական հետախուզման նպատակով ցերեկային և գիշերային ժամերին մինչև 40 կմ հեռավորության վրա տարբեր անբարենպաստ եղանակային պայմաններում` մինչև 15 մ/վայրկ արագության քամու պայմաններում»,-ասվում է հաղորդագրության մեջ: Ավելի վաղ հայտնի դարձավ, որ Հայաստանում տեղակայված 102-րդ ռուսական ռազմակայանի անօդաչու թռչող սարքերի ստորաբաժանումները «Կամխուդ» բարձրլեռնային զորավարժարանում սկսել են յուրացնել 2015-ի հոկտեմբերին ստացված՝ հայրենական արտադրության «Օրլան-10» արդիական համալիրը: Զորամիավորումում «Նավոդչիկ-2» և «Օրլան-10» արդիական համալիրների կիրառմամբ 5 անգամ մեծացել է Հայաստանում բարձրլեռնային տեղանքում հետախուզական և հատուկ ստորաբաժանումների համար իրականացվելիք խնդիրների ծավալը: 2015-ի դեկտեմբերին Ռուսաստանը համալրել է Հայատանում գտնվող ռազմակայանը մարտկան և տրանսպորտային ուղղաթիռների նոր խմբաքանակով: Հայաստանի «Էրեբունի» ավիացիոն ռազմակայանը 2016-ի երկրորդ կեսին կհամալրվի բազմաթիրախային ճակատային ՄիԳ-29 կործանիչների նոր խմբաքանակով: Գյումրիում տեղակայված ռուսական ռազմաբազան ստեղծվել է 1995 թ-ին ու ներկայումս մարտական հերթափոխ է իրականացնում ԱՊՀ Միացյալ հակաօդային պաշտպանության համակարգի ներքո: Ռազմաբազան իր հազար անձնակազմով ենթարկվում է ՌԴ զինված ուժերի Հյուսիս-կովկասյան ռազմական օկրուգին: Այն զինված է հակահրթիռային С-300 համակարգերով ու ՄԻԳ-29 կործանիչներով: Երևանի «Էրեբունի» օդանավակայանում տեղակայված ռուսաստանյան ավիաբազան նույնպես Ռուսաստանի ԶՈւ Հարավային ռազմական շրջանի մեջ մտնող, Գյումրիում տեղակայված 102-րդ ռազմաբազայի կազմում է: Ռազմական օդանավակայանը համատեղ օգտագործում են ՀՀ ԶՈւ-ի ստորաբաժանումները և ՀՀ-ում տեղակայված 102-րդ ռուսաստանյան ռազմաբազան։ «Էրեբունիում» են կայանում հայկական զինուժի Մի-8 և Մի-24 ուղղաթիռներ, ինչպես նաև ռուսաստանյան ռազմաբազայի ՄիԳ-29 կործանիչները։ 2011-ին ՀՀ-ում ռուսական ռազմակայանի տեղակայման մասին պայմանագիրը երկարացվեց մինչև 2044 թ.: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Առաջիկա օրերին սպասվում է անձրև և ամպրոպ․ Ջերմաստիճանը կնվազի Մայիսի 4–ի ցերեկը մայրաքաղաքում կգրանցվի +19 աստիճան Ողջաբերդ գետի հենապատի փլուզման հետևանքով Նոր Արեշում տներ են հեղեղվել Իրականացնում են գետի հունի մաքրման, երկաթբետոնե կառուցատարրերի տեղափոխման Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին |