Ստամբուլի պայթյունից հետո Թուրքիայում ՌԴ 3 քաղաքացի է ձերբակալվել

13 հունվարի 2016 - 14:26 AMT

PanARMENIAN.Net - Ստամբուլում հունվարի 12-ին տեղի ունեցած պայթյունից հետո թուրքական Անթալիայում «Իսլամական պետության» դեմ հակաահաբեկչական գործողության շրջանակում, ՌԴ 3 քաղաքացի է ձերբակալվել, հայտնել է Dogan-ը:

Թուրքական «Հյուրիեթը» հայտնում է, որ ռուսաստանցիների մոտից առգրավվել են փաստաթղթեր և խտասկավառակներ, հայտնում է ՌԻԱ Նովոստին:

Ավելի ուշ Անթալիայում ՌԴ հյուպատոսությունը հաստատել է տեղեկությունը ՌԴ 3 քաղաքացու ձերբակալման վերաբերյալ: «Մենք հաստատում ենք ՌԴ 3 քաղաքացու ձերբակալության փաստը»,-ասել է Անթալիայում ՌԴ գլխավոր հյուպատոս Ալեքսանդր Տոլոստոպյատենկոն: Աշխատանք է տարվում ռուսաստանցիների ձերբակալության պատճառները պարզելու համար:

Հունվարի 12-ին հզոր պայթյուն է որոտացել Ստամբուլի կենտրոնում` Սուլթանահմեդ թաղամասում, որի հետևանքով կա 10 զոհ և 15 վիրավոր:Պայթյունը Ստամբուլի կենտրոնում մահապարտ ահաբեկչի գործողության հետևանք է: Ըստ տեղի ԶԼՄ-ների, նա պայթեցրել է իրեն մի խումբ օտարերկրացի զբոսաշրջիկներից ոչ հեռու: Պայթյունից հետո զբոսաշրջիկները չեղարկում են ամրագրումներն ու հեռանում Ստամբուլից:

Հղումներ թեմայով.

Reuters. Turkey detains three Russians suspected of Islamic State ties after Istanbul bomb: agency ISTANBUL

Ria.ru. Генконсульство РФ в Анталье подтвердило задержание россиян

Дождь: В Турции задержали троих россиян после взрыва в Стамбуле