Ադրբեջանում բողոքում են գնաճի և գործազրկության դեմ. Ոստիկանությունն արցունքաբեր գազ է կիրառել13 հունվարի 2016 - 13:11 AMT PanARMENIAN.Net - Հունվարի 13-ին ադրբեջանական Սիազանի բնակիչները հավաքվել էին շրջանի գործադիր իշխանության շենքի մոտ` բողոքելով գնաճի և գործազրկության դեմ: Ոստիկանությունը փորձել է ցրել ցուցարարներին` օգտագործվել է արցունքաբեր գազ: Բողոքի ակցիան մեկնարկել էր հունվարի 12-ին` ցուցարարներին խոստացել էին ընդունել ներկայացված առաջարկները: Երբ մարդիկ ցրվել են, ամենաակտիվներին բերման են ենթարկել ոստիկանության բաժանմունք, հայտնում է Minval.az-ը: Ձերբակալվել է մոտ 30 մարդ: Հունվարի 13-ի առավատոյան Ֆիզուլու շրջանի Բալա Բահմանլի գյուղում բողոքի ակցիա է տեղի ունեցել թանկացման դեմ, որին միացել են աև Ահմեդբեյլիի և Մահմուդլուի բնակիչները: Բողոքի ակցիային մասնակցել է մոտ 1000 մարդ: Նրանք փակել են կենտրոնական ճանապարհը: Հունվարի 12-ին բողոքի ակցիաներ են տեղի ունեցել Ադրբեջանի 4 շրջանում` Լենկորանի, Ֆիզուլիի, Սիազանի և Աղջաբեդիի: Լենկորանի շրջանի ղեկավարը հայտարարել է, որ մարդիկ դժգոհ են կանխիկ գումարով ալկոհոլ գնելու արգելքից: Մինչդեռ, ինչպես հայտնում է Haqqin.az-ը, Լենկորանում ձերբակալվել է ընդդիմադիր Նազիմ Ղասանլին: Նա ևս մասնակցել է թանկացման դեմ ցույցին: Նրա գտնվելու վայրը հայտնի չէ: Ադրբեջանի գլխավոր դատախազությունն ավելի վաղ հայտարարել էր, որ պայքար է գնում երկրում հավկիթի գնաճի դեմ, հարուցվել են քրեական գործեր գների արհեստական բարձրացման փաստերով: Ճգնաժամն ազդել է նաև զբոսաշրջության ոլորտի վրա` Բաքվի բարձրակարգ հյուրանոցների մեծ մասն ուղղակի դատարկ է: Ադրբեջանի կենտրոնական բանկը 2015-ի դեկտեմբերի 21-ից անցել է մանաթի լողացող փոխարժեքի: Մանաթի պաշտոնական փոխարժեքը դոլարի և եվրոյի համեմատ նվազել է գրեթե կիսով չափ: Դեկտեմբերի 18-ին 1 դոլարի արժեքը 1,05 մանաթ էր, իսկ դեկտեմբերի 21-ին արդեն` 1,55 մանաթ: 1 եվրոյի արժեքն է 1,68 մանաթ: 2015-ի դեկտեմբերին Ադրբեջանում մանաթի հերթական արժեզրկման պատճառով Բաքվի առևտրի կետերից շատերը, նույնիսկ դեղատները դադարեցրել էին աշխատանքը: Փակ էին նաև արժույթի փոխանակման կետերից շատերը: 2014-ից ի վեր Ադրբեջանի ԿԲ արտարժութային պահուստները նվազել են 2,5 անգամ` մինչև 6,2 մլրդ: Գումարը հիմնականում ծախսվել է մանաթի փոխարժեքի պահպանման համար: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | ՀՀ-ն ու Հունգարիան տնտեսական գործակցության մասին համաձայնագիր են կնքել Միրզոյանը Բուդապեշտում է պաշտոնական այցով Ավինյան․ «Վեոլիա ջրի» հետ պայմանագիրը կվերանայվի՝ ամեն բակում չենք կարող կոյուղու հարցով զբաղվել Ավինյանն անդրադարձել է առատ տեղումների արդյունքում քաղաքում առաջացած որոշակի խնդիրներին Սիմոնյան. Ռուսական կողմի նամակին պատասխան ուղարկվել է, իմ հայտարարությունների տերն եմ «Ինչ ասել եմ, ճիշտ եմ ասել, նոր բան չեմ ասել, տեղին եմ ասել և նույն բաները պատրաստ եմ այսօր և մշտապես ասել»,–հավելել է նա Մետրոն ավելի շուտ կսկսի աշխատանքը և ավելի ուշ կավարտի Գրաֆիկի փոփոխությունը կլինի մայիսի ն13–ից |