Երզնկայի հայկական եկեղեցին՝ գանձախույզների հերթական թիրախ

PanARMENIAN.Net - 1800-ական թվականներին պատմական Երզնկայում կառուցված Սբ Աստվածածին հայկական եկեղեցին գանձ որոնողների փորած փոսերի պատճառով ավերակի է վերածվել:

Մեծ վնաս կրած եկեղեցին պահպանելու համար քայլեր են ձեռնարկվում։ Տեղի ժանդարմերիան պարզապես կողպեք է կախել եկեղեցու մուտքին, «Ակօս»-ին հղումով գրում է Tert.am-ը:

Խնդրի մասին բարձրաձայնել է հարակից գյուղի բնակիչներից Թոլգա Գյուրյունը։

Նա նշել է, որ եկեղեցու սրբապատկերները գողացվել էին 5 տարի առաջ, ինչից հետո եկեղեցին իր ուշադրության կենտրոնում է հայտնվել։

Կենտրոնից 15 կմ հեռավորությամբ գտնվող Սբ Աստվածածին եկեղեցու վերակառուցման աշխատանքներն իրականացնելու համար ներկայիս Էրզինջանի նահանգապետարանը հանձնարարական էր տվել, սակայն նահանգապետի փոփոխությունից հետո այն վերակառուցելու համար ոչ մի քայլ չի արվել։

2015-ի օգոստոսին հայտնի է դարփել, որ Թուրքիայի տարածքում գտնվողՎանի 250-ամյա հայկական վանական համալիրը՝ Սուրբ Կույսերիմենաստանը, կիսավեր վիճակում է և դարձել է գանձախույզների հերթական թիրախը: Գանձ որոնողների գործողությունների հետևնաքով 2015-ի հունիսին ավերվել է Թուրքիայի ներկայիս Բինգյոլ (Բյուրակն) նահանգի Քարլըովա գավառից 3 կմ հեռավորության վրա գտնվող Թոքլուլար գյուղի պատմական հայկական եկեղեցին: Ավերված եկեղեցու հայկական անվանումը հավանաբար եղել է «Ակոս եկեղեցի» ու այն մոտ 800 տարվա պատմություն ուներ:

Սբ Սարգիս եկեղեցում այժմ կենդանիներ են պահվում, եկեղեցու պատերը կիսաքանդ են, քարերը՝ տեղահան արված, իսկ որոշ մասեր փորել են գանձ որոնողները: