Վրացական Airzena-ի հիմնադիրը նոր ավիաընկերություն է ստեղծում Հայաստանում20 հունվարի 2016 - 16:53 AMT PanARMENIAN.Net - Airzena-ի հիմնադիր և տնօրենների խորհրդի նախկին նախագահ Թամազ Գաիաշվիլին և գլխավոր տնօրենի նախկին տեղակալ Ռոբերտ Հովհաննիսյանը նոր ավիաընկերություն են ստեղծում Հայաստանում: Այն կկոչվի Armenia, իսկ անձնակազմի մեծ մասը կհամալրվի Airzena-ի աշխատակիցներով, հայտնում է վրացական «Կոմերսանտ» պարբերականը: Armenia-ն կշահագործի Airzena-ի իքնաթիռները: Հայաստանի Քաղավիացիայի գլխավոր վարչության մամուլի քարտուղար Ռուբեն Գրդզելյանը հաստատել է Armenia նոր ավիաընկերության ստեղծումը Հայաստանում, սակայն հիմնադրի հարցում հայտարարել է, որ տեղեկություն չունի այդ մասին: «Հաստատում եմ, որ ձևավորվում է Armenia նոր ավիաընկերությունը, սակայն մանրամասները դեռ հայտնի չեն, պաշտոնական տեղեկատվություն կտարածվի փետրվարին»,-հայտարարել է Գրդզելյանը: Վերջին շրջանում Airzena-ն խնդիրներ ունի վրացական շուկայում, թռիչքները դեպի Եվրոպա դադարեցվել են, որոշումն ընդունվել է ուղևորահոսքի կրճատման պատճառով: Ընկերությունը դադարեցրել է թռիչքները Վիեննա, Փարիզ, Ամստերդամ, Սամարա, այժմ իրականացվում են միայն դեպի Մոսկվա և Թել Ավիվ չվերթները: Airzena-ի խնդիրները կապված են վրացական շուկայում ռուսական ընկերությունների դիրքերի ամրապնդման հետ: Ընկերության նախկին ղեկավար Իասե Զատուաշվիլին ավելի վաղ չէր բացառել, որ ընկերությունը կհեռանա վրացական շուկայից: Ռուսական Aeroflot-ը վրացական շուկա մտավ 2014-ին: Զատուաշվիլին մեղադրում էր Aeroflot-ին վրացական շուկայում դեմպինգային գների համար: 2015-ի հունիսին Զատուաշվիլին արտոնություններ խնդրեց կառավարությունից վրացական ընկերությունների համար, սակայն խոստումը չիրագործվեց: Հայկական շուկա մտնելու Airzena-ի որոշումը մի շարք հարցեր է առաջացնում, քանի որ ըստ հայ փորձագետների, Հայաստանի ավիաշուկային վնասում են կոռումպացվածությունն ու ռուսական ավիաընկերությունների իշխումը, որի պատճառով եվրոպական ավիափոխադրողները հեռանում են շուկայից, գրում է bizzone.info-ն: Այս հարցի առնչությամբ Զատուաշվիլին ասել է, որ այժմ Հայաստանում ազգային ավիափոխադրող չկա և նոր ընկերությունը, հավանաբար, այդ թափուր տեղը կգրավի, իսկ հիմնական ուղղությունները կլինեն ՌԴ-ն և Եվրոպան: Ավելի վաղ հայտնի դարձավ, որ ՀՀ կառավարությանն առընթեր քաղաքացիական ավիացիայի գլխավոր վարչությունը բանակցություններ է վարում միջազգային մի քանի ավիաուղիների հետ՝ Հայաստան նոր ավիափոխադրողներ բերելու ուղղությամբ: «Այս պահին մենք բանակցությունների մեջ ենք մի քանի արտասահմանյան ներդրողների հետ, որոնց կողմից կա հետաքրքրություն Հայաստանում ավիաընկերություն ստեղծելու, ՀՀ-ում ավիացիոն բիզնեսով զբաղվելու: Դեռ մեկ-երկու ամիս անհրաժեշտ կլինի, որ բանակցություններն ամփոփենք, որովհետև կան հարցեր, որոնք հստակեցման կարիք ունեն», - ասել էր ՔԱԳՎ պետ Արտյոմ Մովսեսյանը: ՀՀ կառավարությունը քաղաքացիական ավիացիայի ոլորտում որդեգրել է «Բաց երկնքի» քաղաքականությունը, որը ենթադրում է ավիաընկերությունների առևտրային գործունեությանը պետության միջամտության նվազեցում: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի Ֆասթ Բանկն աջակցում է «Ժողովրդական երաժշտության և պարի ազգային կենտրոն» մշակութային ՊՈԱԿ-ին Ֆասթ Բանկը 6 մլն դրամ է նվիրաբերել ՊՈԱԿ-ին Մի դրամի ուժը՝ «Կյանքի ճանապարհ» բարեգործական հասարակական կազմակերպությանը Կազմակերպությունը զբաղվում է էպիլեպսիա ունեցող երեխաների ախտորոշմամբ, դեղորայքի ապահովման հարցերով ու բուժմամբ |