Խոզի միսը կամ մսամթերքը չի կարող հանդիսանալ H1N1 տեսակի (խոզի գրիպ) վարակի պատճառ: Այս մասին տեղեկացնում է ԳՆ սննդամթերքի անվտանգության պետական ծառայությունը:
«Հաշվի առնելով բնակչության որոշ շրջանակում առկա մտավախությունը՝ ՍԱՊԾ մասնագետները պարզաբանում են, որ մսամթերքից հնարավոր չէ մարդուն վարակ փոխանցել և որ անհանգստության պատճառ չկա: Հավելենք, որ այս անունը 2009-ին շրջանառության մեջ էր դրվել պայմանականորեն, հետագայում գիտականորեն կիրառում է ստացել է H1N1 անունը:
Գրիպի այս ենթատեսակը 2010-ից դասվել է մարդուն բնորոշ սեզոնային A տիպի գրիպների շարքին», - ասված է հաղորդագրության մեջ:
Հունվարի 20-ի տվյալներով՝ ՀՀ-ում H1N1 տեսակի գրիպից մահվան 18 դեպք է գրանցվել: Հունվարի 19-ին Հայաստանի հիվանդանոցներից սուր շնչառական վարակներից ապաքինմամբ դուրս է գրվել 234 քաղաքացի։ Նրանցից 108-ը մինչև 18 տարեկան են։ 100-ի մոտ ախտորոշված է եղել թոքաբորբ, որից 41-ը` երեխաներ։
Կարդացեք նաև՝ ԱՆ. Երբ՞ է անհրաժեշտ երեխային անմիջապես տեղափոխել հիվանդանոց