  «Կոմերսանտ». Ռուսական А321-ի կործանման գործում թուրքական հետք է հայտնաբերվել 1 փետրվարի 2016 - 12:36 AMT PanARMENIAN.Net - 2015-ի հոկտեմբերին Սինայի թերակղզում ահաբեկչության հետևանքով աղետի ենթարկված ռուսական А321-ի կործանմանը կարող են առնչություն ունենալ թուրքական ծայրահեղ ազգայնական «Գորշ գայլեր» խմբակցության անդամները, որը կապված է «Իսլամական պետության» հետ: Այս մասին գրել է «Կոմերսանտը»: Ահաբեկչությանը «Գորշ գայլերի» հնարավոր մեղսակցության մասին «Կոմերսանտին» է հայտնել աղբյուրը ՌԴ հատուկ ծառայություններում, հայտնում է «Դոժդը»: Կազմակերպությունը գործում է Թուրքիայում 1960-ականներից սկսած: Նրա հիմնադիրն է Ալփարսլան Թյուրքեշը` ծայրահեղ աջակողմյան Հանրապետական գյուղացիական ազգայնական կուսակցության ղեկավարը, որը 1969-ին վերանվանվեց «Ազգայնական շարժման կուսակցության»: Ինչպես գրում է թերթը, ըստ ռուսական հատուկ ծառայությունների, «Գորշ գայլերը» մասնակցել են մարտական գործողություններին Չեչնիայում, զենք են մատակարարել զինյալներին: «Գորշ գայլերի» առաջնորդներից մեկը` Ալփարսլան Չելիքն ավելի վաղ ստանձնեց ռուսական Սու-24-ի օդաչուներից մեի սպանության պատասխանատվությունը Սիրիայի տարածքում: 2015-ի հոկտեմբերի 31-ի վաղ առավոտյան ռուսական «Կոգալիմավիա» ավիաընկերության Airbus-321 օդանավը, որը կատարում էր 9268 Շարմ էլ Շեյխ- Սանկտ Պետերբուրգ չվերթը, որը դուրս է եկել Եգիպտոսից Մոսկվայի ժամանակով 6.21-ին, 23 րոպե անց անհետացել է ռադարների էկրաններից: Ինքնաթիռում կար 217 ուղևոր և անձնակազմի 7 անդամ: Եգիպտոսում աղետի ենթարկված ռուսական А321-ի ինքնագրիչների վերծանմամբ զբաղվող քննիչները հայտնել են, որ գրանցվել է պայթյուն, որը կապված չի եղել շարժիչի խափանման հետ: Նոյեմբերի 17-ին Ռուսաստանի անվտանգության դաշնային ծառայության ղեկավար Ալեքսանդր Բորտնիկովը հաստատեց Սինայի թերակղզում կործանված A321 ռուսական ինքնաթիռում ահաբեկչության փաստը։ Ինքնաթիռը պայթեցերել են պրոֆեսիոնալները: Ավելի վաղ ԶԼՄ-ներում մի քանի վարկած հայտնվեց` մեկի համաձայն, ռումբը ինքնաթիռ է տարել հավաքարարներից մեկը, ինքնաթիռը սպասարկող մաքրման աշխատանքներով զբաղվող աշխատակիցների թվից:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   Ամենաընթերցվողը բաժնում |  Վերջին լուրեր Պեսկով. Կողմ ենք Բաքվի և Երևանի միջև շփումների շարունակմանը  Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերըՀացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համարՓաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունըԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |
