Էստրադային և ջազային արվեստի քոլեջի ուսանողները դասադուլով պահանջում են վերադարձնել տնօրենին 1 փետրվարի 2016 - 16:45 AMT PanARMENIAN.Net - Էստրադային և ջազային արվեստի պետական քոլեջը բաց նամակով դիմել է ՀՀ նախագահ Սերժ Սարգսյանին և ՀՀ վարչապետ Հովիկ Աբրահամյանին: Քոլեջի ուսանողները նշում են, որ հունվարի 18-ին դիմել են ՀՀ կրթության և գիտության նախարար Արմեն Աշոտյանին` խնդրանք-պահանջով, որպեսզի Երևանի էստրադային և ջազային արվեստի պետական քոլեջի` աշխատանքից ազատված տնօրեն Լևոն Սահակյանը վերականգնվի իր պաշտոնում: Նախարարություն ներկայացրած դիմումի (այն ստորագրել է քոլեջի ուսանողության գերակշիռ մասը) պատասխանը դեռևս չեն ստացել և որոշել են դիմել դասադուլի փետրվարի 1-ից՝ ինչպես նշել են նախարարին հղված դիմումում, որում և հիմնավորել են, թե ինչով է պայմանավորված այս ցանկությունը, և թե ինչու է այն բխում միմիայն և բացառապես քոլեջի ուսանողության, այսինքն` իրենց իսկ շահերից: Դիմումը ներկայացնում ենք ստորև: Հասկանալի պատճառներով չենք հրապարակում ստորագրությունները, սակայն անհրաժեշտության դեպքում կարող ենք դրանք ներկայացնել: Դիմումը ներկայացրել են ստորև. «Մենք` Երևանի էստրադային և ջազային արվեստի պետական քոլեջի ուսանողներս, ցնցված ենք այն փաստից,որ աշխատանքից ազատվել է մեր քոլեջի տնօրեն Լևոն Սահակյանը և մտահոգված ենք քոլեջի հետագա ճակատագրով: Լևոն Սահակյանը իր տնօրինության ընթացքում միշտ եղել է ուսանողի կողքին, ամեն ինչ արել է, որպեսզի մենք մեզ լավ զգանք մեր սուղ շենքային պայմանների մեջ, ամեն կերպ աջակցել է պարապմունքների հնարավորինս արդյունավետ կազմակերպմանը, միշտ ընդառաջել է մեզ` թե որպես տնօրեն, թե որպես դասախոս: Լևոն Սահակյանը ավելին է եղել, քան սոսկ տնօրենը: Նրա և մեր միջև միշտ եղել են բարեկամական, ընկերական հարաբերություններ: Պարոն Սահակյանը սրտացավ, ուսանողի խնդիրները ըմբռնող տնօրեն է, նա ջանացել է լուծել այն բոլոր խնդիրները, որոնք ծագել են ուսումնական պրոցեսի ընթացքում, որի շնորհիվ տնօրեն-ուսանող պաշտոնական հարաբերությունները վերածվել էին փոխադարձ հարգանքի և սիրո վրա հիմնված շփումների: Հարգելի պարոն Աշոտյան, ակնկալում ենք Ձեր աջակցությունը` Լևոն Սահակյանին վերականգնելու իր պաշտոնում: Մեր պահանջը հիմնավորում ենք ակնհայտ փաստով, որ Երևանի էստրադային և ջազային արվեստի պետական քոլեջը երկար տարիներ եղել է բարձիթողի վիճակում և միայն Լևոն Սահակյանի աշխատանքի շնորհիվ է քոլեջը սկսել վերականգնել իր երբեմնի հեղինակությունը: Մենք սիրում ենք մեր տնօրենին,գնահատում նրա ջանքերը և ցանկանում ենք նրան կրկին տեսնել մեր կողքին` որպես ընկեր և քոլեջի ղեկավար: Պարոն Աշոտյան, Դուք հաճախ եք նշում, որ հարգում եք սովորողների իրավունքները: Մենք հավատում ենք Ձեր խոսքին և հույս ենք հայտնում, որ հաշվի կառնեք մեր իրավունքները, ու Լևոն Սահակյանը կշարունակի պաշտոնավարել որպես տնօրեն: Պարոն նախարար, հակառակ պարագայում, եթե երեք աշխատանքային օրվա ընթացքում մեր տնօրենը չվերականգնվի իր պաշտոնում, մենք պատրաստ ենք դիմելու բողոքի տարբեր միջոցների, ընդհուպ մինչև դասադուլի և դիմելու ՀՀ բարձր ղեկավարությանը»: Ուսանողները գրել են, որ ակնկալում են նախագահի ու վարչապետի աջակցությունը և միջամտությունը այս խնդրի լուծման հարցում: Նշել են, որ այս պահանջի հարցում իրենց աջակցում են ծնողները, ինչպես նաև դասախոսների զգալի մասը: ՀՀ ԿԳ նախարարության Նախնական եւ միջին մասնագիտական կրթության վարչության պետ Աշոտ Արշակյանն այս հարցով տեղեկացրել է, որ վերականգնել Լեւոն Սահակյանին չեն կարող, որովհետեւ նա աշխատանքից ազատվել է ԿԳ նախարարի հրամանով: «Այստեղ խոսքը չի գնում Լևոն Սահակյան անձի որակների կամ մանկավարժական հմտությունների վերաբերյալ, խոսքը վերաբերում է Լևոն Սահակյանի՝ տնօրենի պարտականությունների չկատարելուն»,- ասել է պաշտոնյան, գրում է Aravot.am-ը: Նա հավելել է, որ հրամանը վերանայման ենթակա չէ, Սահակյանն ազատվել է պարտականությունները չկատարելու կամ ոչ պատշաճ կատարելու համար: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |