Բրազիլիան խորհուրդ չի տալիս հղիներին այցելել Օլիմպիադա-2016 2 փետրվարի 2016 - 11:21 AMT PanARMENIAN.Net - Բրազիլիայի իշխանությունները կոչ են անում հղի կանանց զերծ մնալ 2016-ի ամռանը Ռիո դը Ժանեյրոյում կայանալիք Օլիմպիական խաղերն այցելելուց` Զիկայի վիրուսի պատճառով: Այսպիսի հայտարարություն է արել Բրազիլիայի նախագահի աշխատակազմի ղեկավար Ժակ Վագները: Ավելի վաղ Վագները հայտարարել էր, որ Զիկայի վիրուսի տարածման պատճառով ամառային Օլիմպիական խաղերի անցկացումը չի վտանգվի: «Հղիների համար կա ռիսկ, ես այն լուրջ եմ համարում: Ակնհայտորեն աննպատակահարմար է հղիների համար ընդունել այդ ռիսկն ու մեկնել օգոստոսին Ռիո դը Ժանեյրո»,-ասել է Վագները, հայտնում է ՌԻԱ Նովոստին: Օլիմպիական խաղերը կայանալու են օգոստոսի 5-21-ը: Առողջապահության համաշխարհային կազմակերպությունը Զիկայի վիրուսի հետ կապված գլոբալ արտակարգ իրավիճակ է հայտարարել, քանի որ հիվանդությունն արագ տարածվում է` բնածին արատների հազարավոր դեպքեր են գրանցվել Բրազիլիայում: Ավելի վաղ Միջազգային օլիմպիական կոմիտեի ղեկավար Թոմաս Բախը հայտարարել էր, որ ՄՕԿ-ը հատուկ հիշեցման թերթիկ է թողարկել` մարզիկներին և Օլիմպիադայի հյուրերին Զիկայի վիրուսից պաշտպանելու համար: Զիկայի հարուցիչն առաջին անգամ հայտնաբերվել է Ուրուգվայում, սակայն երբեք այսքան արագ չի տարածվել: Բրազիլիան առաջինը հայտնեց այդ վիրուսով վարակների մասին 2015-ի մայիսին: Վիրուսը տարածում են մոծակները: 2016-ին 3-4 մլն մարդ Հարավային, Կենտրոնական և Հյուսիսային Ամերիկայում կարող է վարակվել Զիկայի վիրուսով, հայտարարել է Առողջապահության համաշխարհային կազմակերպությունը (ԱՀԿ): Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |