ՄԱԿ-ը Դամասկոսին մեղադրում է կալանավորների զանգվածային սպանությունների մեջ 9 փետրվարի 2016 - 12:44 AMT PanARMENIAN.Net - ՄԱԿ-ի մարդու իրավունքների խորհուրդն իր զեկույցում մեղադրել է Սիրիայի իշխանություններին հազարավոր կալանավորների զանգվածային սպանությունների մեջ: Ներկայացված զեկույցը կոչվում է «Աչքից հեռու, սրտից` դուրս. մահը Սիրիայի Արաբական Հանրապետությունում»: Դրա հեղինակները պնդում են, որ Սիրիայի բարձրաստիճան ներկայացուցիչները գիտեն և հավանություն են տալիս այն ամենին, ինչ կատարվում է կալանավայրերում: Զեկույցում ասվում է, որ Սիրիայի տասնյակ հազարավոր քաղաքացիների համար, որոնց կասկածում են ընդդիմադիրներին համակրելու կամ կառավարությանը ոչ բավարար ակտիվությամբ աջակցելու մեջ, Բաշար Ասադի ռեժիմը միտումնավոր սարսափելի պայմաններ է ստեղծում կալանավայրերում, ինչը մահացու հետևանքներ է ունենում: ՄԱԿ զեկույցում նաև քննադատվում են սիրիացի ապստամբները, որոնց մեղադրում են գերեվարված սիրիացի զինվորականներին գնդակահարելու և ցուցադրական մահապատիժներ կազմակերպելու մեջ: Զեկույցում դիտարկվում է 2011-ի մարտից մինչ օրս ընկած ժամանակահատվածը: ՄԱԿ քննիչները համարում են, որ Սիրիայում մշտապես կալանքի տակ են գտնվում տասնյակ հազարավոր մարդիկ: Ականատեսները «մարդու իրավունքների խախտումների ծավալով սարսափելի պատկեր են նկարագրում», ասվում է զեկույցում, հայտնում է BBC-ի ռուսական ծառայությունը: Ըստ ՄԱԿ տվյալների, Սիրիայում հակամարտության 4,5 տարվա ընթացքում զոհվել է ավելի քան 250 հազար մարդ, ավելի քան 4 մլն դարձել է փախստական: Հումանիտար օգնության կարիք ունեցողների թիվը գերազանցում 12 միլիոնը, որոնցից գրեթե 500 հազարը դժվարանցանելի շրջաններում է գտնվում: Ավելի վաղ ՄԱԿ-ը հայտնել էր, որ Սիրիայի` շրջափակման մեջ գտնվող քաղաքներին մատակարարված սնունդը հաշվարկված է մեկ ամսվա համար: Այս մասին հայտարարել էր ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկը: ՄԱԿ-ի տվյալներով` մոտ 4.5 մլն մարդ Սիրիայում բնակվում է այնպիսի շրջաններում, ուր բարդ է հումանիտար օգնություն հասցնել, նրանցից 400.000-ը` շրջափակման մեջ գտնվող շրջաններում: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Փաշինյան․ Ոստիկանությունն ուժ գործադրելու լեգիտիմ իրավունք պետք է ունենա ՀՀ-ում ոստիկանության գվարդիա է ստեղծվում, օրենքն ուժի մեջ կմտնի սեպտեմբերի 1-ին Team-ը՝ Թումոյի գլխավոր տեխնոլոգիական գործընկերը ՀՀ-ում Ընկերությունը 50% զեղչով ինտերնետ կտրամադրի Հայաստանում գործող և հետագայում բացվող Թումո կենտրոններին Օհանյան․ Անհապաղ պետք է բեկում մտցնել սահմանազատման այս գործընթացի մեջ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Կոնգրեսում կոչ են արել $200 մլն հատկացնել ԼՂ-ից տեղահանվածներին և օգնել ՀՀ–ին պաշտպանվել Ադրբեջանի ագրեսիայից Նրանք նաև կոչ են արել դադարեցնել Ադրբեջանին ցանկացած ռազմական օգնության |