Թուրքաբնակ մոտ 200 000 քուրդ փախստական է դարձել 9 փետրվարի 2016 - 16:20 AMT PanARMENIAN.Net - Թուրքիայի արևելյան առավելապես քրդաբնակ շրջանների մոտ 200 հազար բնակիչ հեռացել է տներից վերջին ամիսներին թուրքական բանակի և քուրդ զինյալների միջև բախումների հետևանքով: Այդ մասին հայտարարել է «Գոչ դեր» բարեգործական հիմնադրամի ղեկավար Իլմազ Քանը: «Բախումները շարունակվում են, խաղաղ բնակիչները հեռանում են տներից: Շըրնաք գավառի Ջիզրե քաղաքից մոտ 100 հազար մարդ է փախել, Դիարբեքիրի Սուրից` մոտ 35 հազար, մոտ 200 հազար մարդ հեռացել է տնից»,-ասել է Քանը: Ըստ նրա, փախստականների մեծամասնությունը մնացել է իր կամ հարևան քաղաքներում` բարեկամների ու ծանոթների մոտ: «Քրդերի մոտ ընդունված է օգնել միմյանց, այդ պատճառով փախստականների ճամբարներ դեռ չունենք, քանի դեռ փախստականները դեռ այդքան շատ 9en: Որոշ բնակարաններում արդեն 20, 30, նույնիսկ 40 մարդ է ապրում»,-ասել է նա: Պարզ չէ, թե որտեղ են նրանք բնակվելու, երբ ռազմական գործողություններն ավարտվեն` շատ տներ քանդված են: Ըստ ականատեսների, հատկապես տուժել են Ջիզրե և Սիլոպի քաղաքները: Նա նշել է, որ աշակերտներն ու ուսանողները չեն հաճախում դասերի, հայտնում է ՌԻԱ Նովոստին: «Դեռևս իրավիճակը վերահսկվում է, սակայն եթե հակամարտությունը թեժանա, մարդիկ կփախչեն դեպի Թուրքիայի արևմուտք, կամ նույնիսկ Եվրոպա»,-զգուշադրել է Քանը: Ինտենսիվ մարտեր են ընթանում Դիարբեքիրում: Ամբողջ քաղաքով մեկ լսվում են տանկերի համազարկեր: Մշտապես պտտվում են ոստիկանական ուղղաթիռները: Վերջին ամիսներին Սուրը վերածվել է ՔԱԿ գրոհայինների և թուրքական բանակի դիմակայության վայրի: Շրջանը շրջափակաված է ոստիկանների կողմից, նրանք գնդակոծում են քրդերի դիրքերը: Դիարբեքիրի քաղաքապետ Ֆիրաթ Անլին հայտնել է, որ Սուրի 70 հազար բնակիչներից մոտ 50 հազարը հեռացել է իր տներից: Դիարբեքիրի 4 թաղամասում հայտարարվել է պարետային ժամ: Թուրքական ԶՈՒ-ն պարետային ժամի ընթացքում իրականացրել է լայնածավալ գործողություններ` քուրդ գրոհայինների փորած խրամատները ծածկելու, բարիկադները հեռացնելու և ինքնաշեն ռումբերը հայտնաբերելու ուղղությամբ:: Թուրք ուժայինները արգելք են դրել փողոց դուրս գալու վրա: Ջիզրեում և Սուրում շարունակվում են փողոցային բախումները: Ըստ Թուրքիայի գլխավոր շտաբի տվյալների, դեկտեմբերի կեսից ոչնչացվել է ավելի քան 850 քուրդ գրոհային: Քուրդ ակտիվիստները պնդում են, որ զոհերի մեծ մասը խաղաղ բնակիչներ են: Հղումներ թեմայով. Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Մարությանը կուսակցություն է հիմնում. Համագումարը` մայիսի 1–ին Անվանումն արդեն հայտնի է Բաքուն Ռասմուսենին մեղադրում է ՆԱՏՕ–ի նախկին գլխավոր քարտուղարի «կարգավիճակը չարաշահելու» մեջ Ռասմուսենի խմբի զեկույցում ԵՄ–ին կոչ է արվել համարձակ քայլեր ձեռնարկելու և էական աջակցություն ցուցաբերել Հայաստանին ԱԱԾ սահմանապահ զորքերն ընդունելություն են սկսել «Զվարթնոց» անցակետում ծառայության համար Ծառայության անցնելու համար կարող են դիմել մինչև 30 տարեկան անձինք Բնակարանային ապահովման աջակցությունից կօգտվեն այն արցախցիները, ովքեր կդառնան ՀՀ քաղաքացի Նախատեսվում է ծրագիրն իրականացնել 5 տարվա ընթացքում |