Հունաստանի Գլխավոր շտաբ. Թուրքական օդուժը մեկ օրում 22 անգամ խախտել է երկրի սահմանը16 փետրվարի 2016 - 11:57 AMT PanARMENIAN.Net - Թուրքիայի ռազմական ավիացիան մեկ օրում ավելի քան 20 անգամ խախտել է Հունաստանի օդային տարածքը, երկու դեպքում տեղի են ունեցել «վիրտուալ օդային մարտեր», հայտնել է Հունաստանի Գլխավոր շտաբը: Ըստ նրա տվյալների, մեկ օրում թուրքական ինքնաթիռները 2 անգամ խախտել են Աթեքնի թռիչքային տեղեկատվության գոտին (FIR Athens) և 22 անգամ ներխուժել են երկրի օդային տարածք: Մասնավորապես, խախտումները տեղի են ունեցել Հիոս և Սամոս կղզիների միջև, ինչպես նաև Լեմնոսի և Լեսբոսի տարածքում, հայտնում է ՌԻԱ Նովոստին: Բոլոր դեպքերում օդ են բարձրացել հունական կործանիչները, 2 դեպքում դրանք վիրտուալ օդային մարտեր են վարել թուրքական ինքնաթիռների հետ: Բացի այդ, հունական ԶԼՄ-ներում տեղեկություններ են հայտնվել Թուրքիայի և Հունաստանի միջև նոր հակամարտության մասին` կապված Հունաստանի վարչապետ Ալեքսիս Ցիպրասի Իրան այցելության հետ: Ցիպրասը եղավ Իրանում փետրվարի 7-ին և 8-ին, և նրա ինքնաթիռը ստիպված էր փոխել երթուղին թուրքական կողմի գործողությունների պատճառով: Հունաստանի վարչապետը հաճախ է օգտագործում ռազմաօդային ուժերի ինքնաթիռները պաշտոնական այցերի ժամանակ: Ինչպես հայտնել է «Կատիմերինին», հունվարի 6-ին Աթենքը ներկայացրել էր վարչապետի օդանավի թռիչքի երթուղին, որով վայէջք էր նախատեսվում Հռոդոսում լիցքավորման համար, իսկ հետո ինքնաթիռը պետք է Թուրքիայի և Սիրիայի օդային տարածքով հասներ Իրան: Սակայն թուրքերը հայտարարեցին, որ վարչապետը ռազմական օդանավ է օգտագործում, որը պատկանում է ՊՆ-ին, աձնակազմում ռազմական օդաչուներ են, ուստի այն չի կարող թռչել Հռոդոս, որը Թուրքիան համարում է ապառազմականացված: Թուրքերը պահանջել են թռիչքի նոր ծրագիր և լիցքավորում Անկարայում, կամ այլ տեղ: Ըստ թերթի, հույն դիվանագետներն առաջարկել են վարչապետին թռիչքի ծրագիր, որը չէր ներառի Թուրքիայի տարածքը, հակառակ դեպքում դա կնշանակեր ճանաչել Հռոդոսն ապառազմականացված գոտի: Ուստի թռիչքը կատարվեց Կիպրոսի, Եգիպտոսի, Հորդանանի և Սաուդյան Արաբիայի տարածքով և վայրէջք է կատարել Իսֆահանում: Սաուդյան Արաբիայի և Իրանի միջև լարված հարաբերությունների պատճառով թռիչքի թույլտվությունը տվել է անձամբ Սաուդյան Արաբիայի թագավորը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները |