Էրդողան. Թուրքիան կշարունակի գնդակոծել քրդական ուժերի դիրքերը Սիրիայում17 փետրվարի 2016 - 17:04 AMT PanARMENIAN.Net - Թուրքիան կշարունակի գնդակոծել քրդական ինքնապաշտպանական ուժերի դիրքերը Սիրիայում` ի պատասխան կրակի, որը նրանք են վարում: Այդ մասին հայտարարել է Թուրքիայի նախագահ Ռեջեփ Թայիփ Էրդողանը: Թուրքական ուժերն արդեն մի քանի օր է չեն դադարեցնում սիրիական քրդերի դիրքերի ինտենսիվ հրետակոծումը: Ավելի վաղ սիրիացի քրդերը մերժել էին Անկարայի պահանջը Թուրքիայի սահմանի մոտ գրաված դիրքերից հեռանալու վերաբերյալ` պնդելով, որ հակառակ դեպքում իրենց տեղը կզբաղեցնեն ծայրահեղական իսլամիստները: «Թող ոչ ոք չմտածի, թե մենք կնահանջենք: Նրանց ամեն մի կրակոցին մենք բազմակի անգամ կպատասխանենք»,-հայտարարել է Էրդողանը` ելույթ ունենալով Անկարայում գյուղական ինքնակառավարման մարմինների ղեկավարների հետ հանդիպմանը, հայտնում է ՌԻԱ Նովոստի գործակալությունը: Թուրքիայի վարչապետ Ահմեդ Դավութօղլուն ավելի վաղ հայտարարել էր, որ հարվածները քրդերի Ժողովրդական ինքնապաշտպանության ջոկատների դիրքերին պատասխան են նրանց ստեղծած սպառնալիքին: Նա պահանջել է, որպեսզի նրանք հեռանան սիրիական Աազազից, որը գտնվում է թուրքական սահմանից ոչ հեռու, ինչպես նաև մոտակա տարածքները: Նա նաև զգուշացրել է, որ Անկարան վրեժխնդիր է լինելու քուրդ կամավորականների յուրաքանչյուր քայլի համար: ՌԴ ԱԳՆ-ն ավելի վաղ հայտարարել է, որ Մոսկվան մտահոգված է սիրիական տարածքի հրետակոծմամբ Թուրքիայի կողմից: ԱՄՆ Պետդեպարտամենտի պաշտոնական ներկայացուցիչ Մարկ Թոներն արտահայտել է ԱՄՆ դիրքորոշումը` կոչ անելով Թուրքիային դադարեցնել հարվածները Սիրիայի տարածքին: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից |