Սիրիայի բանակը գրավել է ահաբեկիչների վերջին հենակետերից մեկը Լաթաքիայում18 փետրվարի 2016 - 16:49 AMT PanARMENIAN.Net - Սիրիայի կառավարական ուժերը հսկողություն են սահմանել Քենսաբա քաղաքում, որն ահաբեկիչների ամենավերջին և կարևոր հենակետերից մեկն էր Լաթաքիա գավառում` երկրի հյուսիսում: Այդ մասին փետրվարի 18-ին հայտնել է լիբանանյան «Ալ Մայադին» հեռուստաալիքն իր աղբյուրի վրա հղումով: Ավելի վաղ հայտնի դարձավ, որ կառավարական զորքերը ճեղքել են շրջափակումը Քենսաբա քաղաքի շրջանում: Ավազակային կազմավորումներից քաղաքը մաքրելուն նախորդել են կատաղի մարտերը Ինչպես նշում է հեռուստաալիքը, չդիմանալով Սիրիայի բանակի ճնշմանը, ծայրահեղականների մեծ մասը ստիպված է եղել փախչել Բիդամա քաղաքի ուղղությամբ, որը գտնվում է Իդլիբ գավառի արևմուտքում, հայտնում է ՌԻԱ Նովոստի գործակալությունը: Քենսաբան գտնվում է Դամասկոսից մոտ 320 կմ հեռավորության վրա և կարևոր ռազմավարական նշանակություն ունի: Դա թույլ կտա սիրիական բանակին լայնածավալ հարձակում սկսել հարևան Իդլիբ գավառի ուղղությամբ, որի մեծ մասն արդեն տևական ժամանակ է գտնվում է իսլամիստական խմբավորումների ձեռքում: Անցած շաբաթ Սիրիայի կառավարական ուժերը վերականգնեցին հսկողությունը Թուրքիայի հետ սահմանի մեծ մասում Լաթաքիա գավառում: Ինչպես բազմիցս են նշել սիրիական ԶՈւ ներկայացուցիչները, ամբողջական հսկողությունը սահմանային գոտում գերակա խնդիրների թվում է, քանի որ թույլ կտա մեկուսացնել ահաբեկիչների կողմից պայքարող գրոհայիններին: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |