ՀՀ-ում ամեն 3-րդ երեխան աղքատ է22 փետրվարի 2016 - 16:13 AMT PanARMENIAN.Net - ՀՀ-ում մանկական աղքատության ցուցանիշը 35% է: Այս մասին փետրվարի 22-ին ՄԱԿ-ի մանկական հիմնադրամի՝ «Երեխայի իրավունքների գործիքակազմ» ձեռնարկի շնորհանդեսի ժամանակ լրագրողներին հայտնել է ՀՀ Աշխատանքի և սոցիալական հարցերի նախարար Արտեմ Ասատրյանը: «Սա նշանակում է, որ առաջնահերթ պետք է կարողանանք օգնել երեխա ունեցող ընտանիքներին: Առավել խոցելի են այն ընտանիքները, որտեղ ավելի շատ անաշխատունակներ կան, իսկ մինչև 18 տարեկանները համարվում են ոչ աշխատունակ, թեև աշխատանքային հիմնական տարիքը սկսվում է 16-ից: Հետևաբար, այն ընտանիքներում, որտեղ ավելի շատ տարեցներ և երեխաներ կան, մեծանում է աշխատունակ անդամների ծանրաբեռնվածությունը»,- պարզաբանել է Արտեմ Ասատրյանը: Նա տեղեկացրել է, որ պետական քաղաքականությունն առաջնահերթ ուղղված է նշյալ ընտանիքներին. «Այն ընտանիքները, որոնք ձեռք են բերում ընտանեկան նպաստի իրավունք, յուրաքանչյուր երեխայի համար հավելավճար են ստանում», մեջբերում է Aravot.am-ը: Մանկական աղքատության նվազեցման ուղղությամբ ծրագրերը հաստատված են 2016-ի բյուջեով: Նախարարի փոխանցմամբ՝ նոր ծրագրեր ևս կիրականացվեն: Համաձայն 2015-ի Ազգային վիճակագրական ծառայության տվյալների, Հայաստանում աղքատների թիվը շարունակում է նվազել, և 2014-ին աղքատ է եղել բնակչության 30%-ը: Մասնավորապես, աղքատության գիծ է համարվել 40.264 դրամը: Այսինքն եթե 2014-ին Հայաստանում անձը կարողացել է ամսական ծախսել է 40.264 դրամից ավելի, նա աղքատ չի համարվել: Պաշտոնական տվյալներով Հայաստանում աղքատների թիվը շարունակ կրճատվում է 2010-ից ի վեր․ եթե 2010-ին աղքատ էր բնակչության 35.8%-ը, ապա 2014-ին՝ 30%-ը: ԱՎԾ տվյալներով, 2008-ին աղքատ էր Հայաստանի բնակչության 27.6%-ը: Հղումներ թեմայով. Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |