Կոստանդնուպոլսի Հայոց պատրիարքի խնամակալ է նշանակվել նրա մայրը12 մարտի 2016 - 12:17 AMT PanARMENIAN.Net - Թուրքական դատարանը որոշել է դեմենցիա հիվանդությամբ տառապող Կոստանդնուպոլսի Հայոց պատրիարք Մեսրոբ Մութաֆյանի խնամակալ նշանակել նրա մորը, որի պատճառով կրկին ի հայտ են եկել պատրիարքի հնարավոր հետնորդի մասին վաղեմի վեճերը, հայտնում է Daily Sabah-ը: Քանի դեռ Կոստանդնուպոլսի պատրիարքարանը գործող փոխանորդ Արամ Աթեշյանի գլխավորությամբ պնդում է, որ Մութաֆյանը մնա առաջնորդ, հայ համայնքի որոշ ականավոր դեմքեր բազմիցս հայտարարել են նոր պատրիարքի ընտրություն կատարելու անհրաժեշտության մասին: Կոստանդնուպոլսի գործող պատրիարք Մեսրոբ Մութաֆյանն անգործունակ է 2008 թ. ի վեր, երբ նրա մոտ ախտորոշվեց դեմենցիա: Հայ համայնքի որոշ ներկայացուցիչներ հայց էին ներկայացրել պատրիարքի համար հոգաբարձու նշանակելու պահանջով: Մինչդեռ հայ համայնքի հայտնի գործիչ Թաթևոս Բեբեկը, որը հայցվորներից մեկն է, պնդում էր, որ դատարանը որոշում կայացնի նոր պատրիարք ընտրելու մասին, եթե դատարանը պատրիարքին պաշտոնապես անգործունակ ճանաչի: Մարտի 9-ին Ստամբուլի դատարանը պատրիարքի 78-ամյա մորը` Մարի Մութաֆյանին, նրա խնամակալ նշանակեց: Նա իրավունք կունենա ներկայացնելու որդու շահերը դատարանում: Աթեշյանը, որը նախկինում խոստացել էր, որ ընտրություններն անցկացվելու են 2014-ին, թեև եպիսկոպոսներն այդպես էլ փոխհամաձայնության չեկան այդ հարցում, ձգտում էր նրան, որ դատարանը մերժի հայցը: Նա կարող է բողոքարկել դատարանի որոշումը: Ըստ թուրքական օրենքների, երկրի իշխանությունները վերահսկում են երկրի կրոնական փոքրամասնությունների ղեկավարների ընտրությունները: Ստեղծված իրավիճակում Աթեշյանը փաստացի պատրիարքի փոխանորդն է, սակայն նման պաշտոն եկեղեցական հիերարխիայում չկա: Նման վիճակը բազում խնդիրներ է առաջացնում: Համայնքի հայտնի անդամները դիմել էին Թուրքիայի ներքին գործերի նախարարություն, խնդրելով թույլ տալ նոր պատրիարքի ընտրությունը, սակայն նրանց մերժեցին՝ պատճառաբանելով, որ պատրիարքը ողջ է, և նոր ընտրություններ կարող են անցկացվել միայն նրա մահից հետո: Համայնքում բանավեճ է ծագել այն հարցի շուրջ, թե պետք է նոր պատրիարքի ընտրել, թե Մութաֆյանը կշարունակի պատրիարք մնալ եկեղեցու ու համայնքի նորընտիր ղեկավարի հետ միաժամանակ: Մեսրոբ Մութաֆյանը՝ Կոստանդնուպոլսի 84-րդ պատրիարքն է, ղեկավարում է համայնք ու Կոստանդնուպոլսի պատրիարքությունը 1998 թվականից, Գարեգին Երկրորդ Ղազանչյանի մահից հետո: 2008-ից, երբ ի հայտ եկավ Մութաֆյանի հիվանդությունը, ղեկավարությունը փաստացի անցավ արքեպիսկոպոս Արամ Աթեշյանին: Աթեշյանի օգտին քվեարկեց պատրիարքարանի կրոնական խորհրդի (Սինոդի) 26 անդամներից 25-ը: Ստամբուլի հայ համայնքը հասնում է 60 հազարի: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |