Boulevard Voltaire. Էրդողանը ծիծաղում է Եվրոպայի առաջնորդների վրա

12 մարտի 2016 - 14:20 AMT

PanARMENIAN.Net - Թուրքերն արդեն 500 տարի է փորձում են գրավել Եվրոպան, գրում է ֆրանսիական Boulevard Voltaire-ը: «Եվ հիմա դա նրանց մոտ ստացվում է առանց պայքարի: Վերջերս նրանց հաջովեց ստանալ մեզանից ավելին, քան երբևէ իրենց պատմության մեջ: էրդողանը վերահսկում է մեր արևելյան մատույցները: Նրա ձեռքում է մայրցամաքի ռազմավարական սահմաններից մեկը: Առաջիկայում մենք ստիպված ենք լինելու թանկ վճարել դրա համար` ինչպես ֆինանսապես, այնպեսլ էլ քաղաքական առումով: Եվ պետք չէ աշխարհաքաղաքականության մեծ փորձագետ լինել, հասկանալու համար, որ ԵՄ-ն հիմա իր մահապատիժն է ստորագրում, գուցե նաևէ բոլորիս»,-գրում է պարբերականը:

Ինչպես նշում է հոդվածի հեղինակը, «Էրդողանը մեծ դերասան է: Նա հիանալի գիտի պատմությունը և մեծ պլաններ ունի Թուրքիայի դերի վերաբերյալ Միջերկրական ծովի տարածաշրջանում և աշխարհում: Նա ծիծաղում է մեր առաջնորդների վրա, ինչպես բարձրդասարանցին մանկամիտ երեխաների վրա: Նա մեզ ծնկի է իջեցնում: Առաջին տարին չէ, որ նա ներգաղթյալներին Թուրքիայի տարածքով Շենգենի գոտի է թողնում: Դա դեռ անկախ այն միլիոնավոր թուրքերից, որոնք ապրում են Եվրապյում առանց հարմարվելու որևէ նշույլի: Եվ այս ամենը Մերկելի և Եվրահանձնաժողովի ակտիվ աջակցությամբ, որոնք կուրորեն հետևում են ՄԱԿ պահանջներին, այսինքն նպաստում են մարդկանց զանգվածային վերաբնակեցմանը հարավից մեր մայրցամաք»:

Վերջերս Դոնալդ Տուսկն ու Ահմեդ Դավութօղլուն պայմանավորվել են արդեն Փարիզի և Բեռլինի կողմից հավանության արժանացած սկզբունքների մասին: Որո՞նք են դրանք: «Սիրիացին սիրիացու դիմաց», այսինքն` «տնտեսական ներգաղթյալը» «փախստականի» (թեև մեծ մասն այդպիսին չէ), որոնց Եվրոպա են ուղարկում Թուրքիայից: Օրը ցերեկով այս թալանը միլիարդների վնաս կհասցնի եվրոպացի հարկատուներին: Ընդ որում, իրականում ոչինչ չի փոխվելու:

Ներհոսքը կպահպանվի, ուղղակի մենք նաև կվճարենք դրա համար: Թուրքիան օգտվում է քաոսից ռեկետի համար, պահանջում է ևս 3 մլրդ եվրո և թուրքերենը ԵՄ պաշտոնական լեզուների շարքում ընդգրկել: Սակայն էրդողանը մտադիր չէ ոչինչ փոխել: Մենք գործ ունենք անցանկալի ներգաղթյալների զանգվածային տեղափոխման մեխանիզմի ձևավորման հետ, ինչպես ասաց Վիկտոր Օրբանը, որը Քեմերոնի հետ մեկտեղ եվրոպացի սակավաթիվ սթափ դատող գործիչներից մեկն է և կտրականապես հրաժարվել է մասնակցել այս ֆարսին:

«Եթե Շենգեն չլինի, չի լինի նաև Եվրոպան` ահա որն է խաղադրույքը»,-ասում է Ֆրանսուա Օլանդը: Եվրոպան առաջին հերթին ընդհանուր մշակույթ է և տարածք: Այսինքն, ավելի կարևոր է, որ պահպանվի Շենգենի պայմանագիրը, քան ժողովրդները: Ձևը նրա համար բովանդակությունից կարևոր է և դա շատ տխուր է: Շենգենը սպանում է Եվրոպան: Շենգենի բացակայությունը թույլ կտար եվրոպական ազգերին պահպանվել: Օլանդը կամ սարսափելի երեսպաշտ է, կամ ուղղակի հիմար: Գուցե` երկուսը միասին:

Մեր նախագահն ապացուցում է մեզ, որ առաջին հերթին հարկավոր է վերականգնել հոգևոր, բարոյական և մտավոր սահմանները: Իսկ Մերկելը դժգոհում է բալկանյան ուղին փակելուց: Ահա նրա ալերգիայի դրսևորումն ամեն տեսակ սահմանների հանդեպ: Հասկանալու համար պայմանագրի կեղծ լինելը, բավարար է դիտարկել Բրյուսելի վերնախավի արձագանքը: Ժան Կլոդ Յունկերը ողջունում է «ճիշտ պայմանագիրը, որը կփոխի իրերի դասավորությունը»: Նրա գրասենյակի տնօրեն Մարտին Զելմայերն իր հերթին դա «բեկում է» համարում: Վերջ` վարագույրն իջավ:

4 իրադարձություն խորը հետք թողեց Ֆրանսիայի պատմության մեջ` ահաբեկչությունը Charlie Hebdo-ի շենքում 2015-ի հունվարի 7-ին, 2015-ի նոյեմբերի 13-ի ահաբեկչությունները Փարիզում, զանգվածային բռնաբարությունները 2015-ի դեկտեմբերի 31-ի գիշերը և միգրացիոն ճգնաժամի համար ներկայացված հաշիվները 2016-ի մարտին: Նոր փուլ է սկսվում` ժամանակը գնաց: Փրկվելու համար գնալով ավելի քիչ ժամանակ է մնում` 30 տարի լավագույն դեպքում և 10` վատագույն, ասվում է հոդվածում, հայտնում է «Ինոսմի»-ն: