Հայաստանում նավթարդյունաբերական գործարանի ստեղծման նախագիծ գոյություն ունի
Հայաստանի եւ Իրանի սահմանին նավթարդյունաբերական գործարանի ստեղծման նախագիծ գոյություն ունի: Այդ մասին Երեւանում տված մամլո ասուլիսի ժամանակ հայտարարել է ՀՀ նախագահի մամլո քարտուղար Վիկտոր Սողոմոնյանը: Նրա խոսքերով, նախագիծը գոյություն ունի, սակայն դեռ հստակ ոչինչ ասել հնարավոր չէ: «Ես պետք է նշեմ, որ պաշտոնական Երեւանը միշտ ղեկավարվում է նման հարցերում, առաջին հերթին, տնտեսական շահերով»,- ասել է նա: Ինչ վերաբերում է Իրան-Հայաստան նավթատարի աշխատանքին, ապա պետության ղեկավարի մամլո քարտուղարը հաստատել է, որ շահագործումը կսկսվի, ինչպես եւ ենթադրվում էր, 2007 թվականի գարնանը:
