2016-ի ամռանը սկսվելու են ռազմավարական նշանակություն ունեցող Հոմս քաղաքի Սբ Մեսրոպ եկեղեցու և Սահակյանի անվան Ազգային վարժարանի վերանորոգման ախատանքները: Այս մասին հայտնել է Դամասկոսի Հայոց թեմի առաջնորդ Գերշ. Տ. Արմաշ եպս. Նալբանդյանը՝ Հոմսում հայ ընտանիքների հետ հանդիպման ժամանակ:
Նա կարևորել է եկեղեցու և դպրոցի վերականգնման անհրաժեշտությունը:
Շրջելով եկեղեցով, որը վնասվել էլ ռմբակոծություններից, եպս. Նալբանդյանի պատվիրակությունը հետևել է եկեղեցու վերականգնման նախնական աշխատաքներին, քննարկել եկեղեցու և դպրոցի ամբողջական վերանորոգմանը վերաբերող հարցեր: «Արևելք»-ին հղումով գրում է Panorama.am-ը:
2011-ի նոյեմբերից Սուրբ Մեսրոպ եկեղեցին և Ազգային ՍահակյանՍահակյանի անվան Ազգային վարժարանը գտնվել են ահաբեկիչների հսկողության տակ: Եկեղեցին ու դպրոցի շենքն ահաբեկիչները դարձրել էին իրենց կենտրոնները, նկուղում գտնվող սրահը՝ հիվանդանոց, ուսուցիչների սենյակը՝ մզկիթ աղոթարան, եկեղեցին՝ հանրակացարան, ննջասենյակներ: Եկեղեցու սուրբ խորանը պղծել էին:
Սիրիական բանակը փետրվարի 3-ին ազատագրել է Հալեպի հյուսիսիային շրջանում գտնվող Նըպպոլ և Ալ Զահրաա ավանները, որոնք ավելի քան 3 տարի շրջափակված էին ահաբեկչական խմբավորումների կողմից: Բացվել է Ազեզեն-Հալեպ ճանապարհը: Ահաբեկիչները փախուստի են դիմել դեպի թուրքական սահման:
