ԶԼՄ. ԻՊ-ն առնվազն 400 զինյալ ունի Եվրոպայում հարձակումների նոր ալիքի համար

24 մարտի 2016 - 11:20 AMT

PanARMENIAN.Net - «Իսլամական Պետություն» ահաբեկչական խմբավորումն ունի նվազագույնը 400 զինյալ, ովքեր հատուկ պատրաստություն են անցել Եվրոպայում մահացու հարձակումների նոր ալիքի համար:

Փարիզյան ահաբեկչության ղեկավարը, մինչ սպանվելը, հայտարարել էր, թե ինքը Եվրոպա է մտել 90 հոգուց բաղկացած խմբով, The Associated Press-ին հղումով գրում է Tert.am-ը:

Նմանատիպ խմբավորումներում գործող մարդիկ անցել են հատուկ պատրաստվածություն՝ պայթուցիկների պատրաստման, մարտ վարելու և հետախուզական աշխատանքներ իրականացնելու գործում:

Մարտի 22-ին մի շարք պայթյուններ են որոտացել Բրյուսելի օդանավակայանում և մետրոյում, զոհվել է 34 մարդ, ևս 186-ը վիրավորվել է: 14 մարդ զոհվել և 80-ը վիրավորվել է Բրյուսելի օդանավակայանում, ևս 20 զոհ ու 106 վիրավոր կա քաղաքի մետրոյում պայթյունի հետևանքով: «Իսլամական պետությունը» ստանձնել է ահաբեկչության պատասխանատվությունը:

Ինչպես հայտնել է AP աղբյուրը իրաքյան հետախուզությունում, ԻՊ ահաբեկիչները սիրիական Ռաքքայում 2 ամիս ահաբեկչություններ են ծրագրել Եվրոպայի օդանավակայաններում և երկաթուղային կայարաններում:

Հղումներ թեմայով.

AP. IS trains 400 fighters to attack Europe in wave of bloodshed

Իսլամական Պետությունն ունի նվազագույնը 440 պատրաստված զինյալ Եվրոպայում մահացու հարձակումների նոր ալիքի համար. Tert.am