ՌԴ-ն ներել է Ուզբեկստանին $864 մլն պարտքը26 մարտի 2016 - 18:19 AMT PanARMENIAN.Net - Ռուսաստանի Պետդուման վավերացրել է Ուզբեկստանի ու Ռուսաստանի կառավարությունների միջև ֆինանսական փոխադարձ պահանջների վերացումը նախատեսող համաձայնագիր: Փաստաթղթի համաձայն, ՌԴ-ն կների Ուզբեկստանին ԽՍՀՄ փլուզումից հետո տրված վարկերը: Ուզբեկստանն, իր հերթին, հետ կկանգնդի դեռևս սովետական ժամանակահատվածի հարցերի վերաբերյալ առաջ քաշած գույքային պահանջներից, գրում է «Վեստի Ֆինանս»-ը: Ուզբեկստանի պարտքը ՌԴ-ին կազմում է $889.3 մլն, որից $500.6 մլն-ը՝ մայր գումար, $388.7 մլն-ը՝ տոկոսներ: Ուզբեկստանն այդ գումարից կվճարի միայն $25 մլն-ը: Ավելի վաղ ՌԴ նախագահի օգնական Յուրի Ուշակովը հայտարարել էր, որ Ուզբեկստանի պարտքի մարման հարցի լուծումը հնարավորություն կտա ռուսական ռազմատեխնիկա առաքել այդ երկիր՝ նոր կնքվելիք վարկային համաձայնագրերով: Ռուսաստանը բազմիցս է միլիարդանոց պարտքեր ներել այլ պետություններին, սակայն, հիմնականում խոսքը դեռ խորհրդային պարտքերի մարման մասին է: Մասնավորապես, ներվեց Անգոլայի 3,5 մլրդ դոլարի պարտքը, Տանզանիայի, Բենինի, Մալիի, Գվինեա Բիսաուի, Չադի և այլ աֆրիկյան պետությունների պարտքերի 90 տոկոսը, Մոնղոլիայի 11,4-միլիարդանոց պարտքի 11,1 միլիարդ դոլարը, Իրաքի 9,5 մլրդ դոլարը, Սիրիայի 9,7 մլրդ դոլարը, Ալժիրի 7,7 մլրդ դոլարը և միլիոնավոր դոլարի պարտքեր նաև այլ երկրների դեպքում: ԽՍՀՄ փլուզումից հետո Ռուսաստանը ներեց Ղրղզստանի 500 մլն դոլարի պարտքը: 2002 թվականին «գույք պարտքի դիմաց» ծրագրի շրջանակում 98 մլն դոլար պարտքը մարելու համար Ռուսաստանին փոխանցեց «Մարս» գործարանի տարածքը, Հրազդանի ՋԷԿ-ը և երկու գիտահետազոտական ինստիտուտ: Ավելի ուշ պարտքեր մարելու համար ՌԴ-ին փոխանցվեց նաև Սևան-Հրազդան ՀԷԿ-երի կասկադը: 2013-ին 160 մլն դոլար պարտքի դիմաց Ռուսաստանին փոխանցվեց «ՀայՌուսգազարդ» ՓԲԸ բաժնետոմսերի վերջին 10 տոկոսը: Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |