ԱՄՆ Պետդեպարտամենտ. Թուրքիայում հասկանում են, որ Կանգրեսն անկախ կառույց է հանդիսանում
«Մենք հասկանում ենք, թե որքան նուրբ է Թուրքիայի համար 20-րդ դարասկզբի իրադարձությունների հարցը: Մենք նաեւ հասկանում ենք, որ այս հարցն անհանգստացնում է այլ համայնքներին, ինչպես ԱՄՆ-ում, այնպես էլ ողջ աշխարհում»,- հայտարարել է ԱՄՆ Պետդեպարտամենտի մամլո քարտուղար Շոն Մաքքորմակը: Ինչպես ասվում է ԱՄՆ Պետդեպարտամենտի կայքում տեղակայված հայտարարության մեջ, մեկնաբանելով Թուրքիայի արտգործնախարար Աբդուլահ Գյուլի հայտարարությունն այն մասին, որ Կոնգրեսի կողմից Հայոց ցեղասպանությա մասին բանաձեւի ընդունումը մեծ հարված կհասցնի հայ-ամերիկյան հարաբերություններին, Մաքքորմակը նշել է. «Դա նրա կարծիքն է: Կարծում եմ, որ Ա. Գյուլը եւ թուրքական կառավարությունը ծանոթ են ԱՄՆ պետական համակարգին եւ հասկանում են, որ Կոնգրեսը անկախ կառույց է հանդիսանում: Այնուամենայնիվ, մենք ակտիվորեն համագործակցում ենք Կոնգրեսի հետ այս հարցով եւ կոնգրեսականներին փոխանցել ենք թուրքական կառավարության կարծիքը բանաձեւի վերաբերյալ»:
