Բաբայան. Ադրբեջանական ԱԹՍ-ն ԵԱՀԿ ՄԽ-ի այցի ժամանակ՝ ահաբեկչության և հիմարության համադրում

Բաբայան. Ադրբեջանական ԱԹՍ-ն ԵԱՀԿ ՄԽ-ի այցի ժամանակ՝ ահաբեկչության և  հիմարության համադրում

PanARMENIAN.Net - ԼՂՀ նախագահ մամուլի խոսնակ Դավիթ Բաբայանը հաստատել է տեղեկությունը այն մասին, որ ապրիլի 7-ին, երբ ԵԱՀԿ Մինսկի խմբի համանախագահները Ստեփանակերտում էին, Ադրբեջանն անօդաչու թռչող սարք է ուղարկել ԼՂ մայրաքաղաք:

«Ադրբեջանական անօդաչու թռչող սարքը ոչնչացվել է Ստեփանակերտի երկնքում այն ժամանակ, երբ ԵԱՀԿ Մինսկի Խմբի համանախագահների ու ԼՂՀ նախագահի հանդիպումն էր ընթանում: ԱԹՍ-ն համանախագահների այցի ժամանակ՝ ահաբեկչության և հիմարության համադրում է», - գրել է Բաբայանը Twitter-ի իր միկրոբլոգում:

Ապրիլի լույս 2-ի գիշերից ապրիլի 5-ը ղարաբաղա-ադրբեջանական շփման գծում շարունակվող մարտերում ՊԲ ստորաբաժանումները, ըստ ԼՂՀ ՊՆ տվյալների, ոչնչացրել են հայկական դիրքերի ուղղությամբ գրոհող թշնամական 2 ուղղաթիռ, ինչպես նաև 26 տանկ, 4 ՀՄՄ, 1 «Գրադ», ինժեներական 1 մեքենա և 13 ԱԹՍ: Ադրբեջանն ընդունել է 31 զինծառայողի զոհվելու, ինչպես նաև 1 տանկի ու 1 ուղղաթիռի ոչնչացման փաստը և չի հայտնել ոչ մի վիրավորի մասին՝ այն դեպքում, երբ միայն հայկական կողմի հրապարակած ֆոտո- և տեսանյութերում առկա են մի քանի տասնյակ դիակներ, 1 ուղղաթիռ և 3 ԱԹՍ: Ստեփանակերտի գնահատականով, Ադրբեջանի ընդհանուր կորուստները գերազանցում են 300-ը:

Հայկական կողմն ունի 44 զոհ, 122 վիրավոր: ՊԲ-ն նաև 14 տանկ է կորցրել: Ապրիլի 5-ին Մոսկվայում Հայաստանի ու Ադրբեջանի ԶՈւ գլխավոր շտաբերի պետերի միջև ժամը 12:00-ից կրակի դադարեցման մասին երկկողմանի պայմանավորվածություն է ձեռք բերվել՝ բանակցություններ անցկացնելու պայմանով:

ՌԴ փոխվարչապետ. ՌԴ-ն կշարունակի զենք մատակարարել Ադրբեջանին

 Ուշագրավ
Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները
Հանդիպումը տեղի կունենա, եթե Հայաստանը ևս տա իր համաձայնությունը
Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա
---