Հայկական կողմը հրապարակել է առգրավված ադրբեջանական «Ուրալի» կադրերը (վիդեո)

 12 ապրիլի 2016 - 16:19 AMT

PanARMENIAN.Net - Ապրիլի 7-ին հայ հատուկջոկատայիններն Ադրբեջանի Թափ Քարաքոյունլու գյուղի ուղղությամբ ադրբեջանական հատվածից առգրավել էին «Ուռալ» մակնիշի ռազմական մեքենա:

Զինվորական ունեցվածքով բեռնված “H919QQ” համարանիշի մեքենան բեռնված է եղել ռազմական ունեցվածքով:

«Ժամը» լրատվական ծրագիրը ցուցադրել է առգրավված բեռնատարի կադրերը:

Ապրիլի լույս 2-ի գիշերից ապրիլի 5-ը ղարաբաղա-ադրբեջանական շփման գծում շարունակվող մարտերում ՊԲ ստորաբաժանումները, ըստ ԼՂՀ ՊՆ տվյալների, ոչնչացրել են հայկական դիրքերի ուղղությամբ գրոհող թշնամական 2 ուղղաթիռ, ինչպես նաև 26 տանկ, 4 ՀՄՄ, 1 «Գրադ», ինժեներական 1 մեքենա և 14 ԱԹՍ: Ադրբեջանն ընդունել է 31 զինծառայողի զոհվելու, ինչպես նաև 1 տանկի ու 1 ուղղաթիռի ոչնչացման փաստը և չի հայտնել ոչ մի վիրավորի մասին՝ այն դեպքում, երբ միայն հայկական կողմի հրապարակած ֆոտո- և տեսանյութերում առկա են մի քանի տասնյակ դիակներ, 1 ուղղաթիռ և 3 ԱԹՍ: Ադրբեջանական ընդդիմադիր ԶԼՄ-ները, սակայն, հրապարակել են 95 հոգու զոհվելու, 39 վիրավորի, ևս 6 անհետ կորածի փաստը հաստատող տեղեկություններ: Ստեփանակերտի գնահատականով, Ադրբեջանի ընդհանուր կորուստները գերազանցում են 300-ը:

Հայկական կողմն ունի 64 զոհ, 122 զինծառայող վիրավորվել է: