ՊՆ մամուլի խոսնակ Արծրուն Հովհաննիսյանը Ֆեյսբուքյան իր էջում հորդորում է զինծառայողներին և նրանց ընտանիքներին ուղղված բոլոր տեսակի օգնություններն իրականացնել սոցապ նախարարության միջոցով:
«Հարգելի հայրենակիցներ, խնդրում ենք ձեզ այսուհետ զինծառայողներին և նրանց ընտանիքներին ուղված բոլոր տեսակի օգնությունները փորձել իրականացնել Աշխատանքի և սոցիալական ապահովության նախարարության և ՀՀ ՊՆ Զինծառայողների սոցիալական պաշտպանության վարչության միջոցով:
Այսօր կա ստեղծված նաև համապատասխան հանձնաժողով: Կա հավասար բաշխելու խնդիր, դուք կարող եք անձամբ տալ ձեր օգնությունները, սակայն որպեսզի բոլորին հասնի, խնդրում ենք այդ հանձնաժողովի հետ համագործակցեք»,-ասվում է գրառման մեջ:
Երևանի քաղաքապետի հանձնարարությամբ սոցիալական ապահովության վարչությունն ուսումնասիրում է երևանաբնակ զոհված և վիրավոր զինծառայողների ընտանիքների առաջնային կարիքները՝ լիազորությունների շրջանակում և հնարավորությունների սահմաններում դրանց լուծում տալու նպատակով: Անշարժ գույքի վարչությունն ուսումնասիրի առաջնագծում զոհված երևանաբնակ զինծառայողների ընտանիքների բնակարանային պայմաններն ու քաղաքապետարանի հնարավորությունների սահմանում ներկայացնի հնարավոր առաջարկներ: