Երեկ Թուրքիայում քաղաքական ցույց է կազմակերպվել երկրի ՔՕ 301-րդ հոդվածի դեմ: «Հզոր Թուրքիա» փոքրաթիվ կուսակցության 10 անդամներ մտադիր են Ստամբուլի հասարակական վայրերից մեկում բարձրաձայնել գրող Օրհան Փամուկի եւ «Ագոս» հայ-թուրքական թերթի սպանված գլխավոր խմբագիր Հրանտ Դինքի այն հայտարարությունները, որոնք, ըստ 301-րդ հոդվածի, որակվել են որպես «թուրքական ինքնության վիրավորանք»: Հաջորդ շաբաթ ծրագրվում է նույն ցույցի անցկացում կուսկացության 10 այլ անդամների մասնակցությամբ: «Հզոր Թուրքիա» կուսակցության ղեկավարը հայտնել է, որ իրենց ելույթները կշարունակվեն այնքան, քանի դեռ 301-րդ հոդվածը չի վերանայվել: «Մենք չենք ցանկանում տեսնել Թուրքիային խավարի մեջ»,- նշել է նա, հայտնում է «Ազգ»-ը: