Իրաքյան Քրդստանն անկախության հանրաքվե կանցկացնի. Պարտադրված գոյակցությունը չի գործում 7 մայիսի 2016 - 11:52 AMT PanARMENIAN.Net - Իրաքյան Քրդստանն, անտեսելով Արևմուտքի սպառնալիքները, մտադիր է անկախության վերաբերյալ հանրաքվե անցկացնել: Դա հաստատել է Իրաքյան Քրդստանի Ազգային անվտանգության խորհրդի ղեկավար Մասուդ Բարզանին The Washington Post-ում հրապարակված հեղինակային հոդվածում: Իր տեսակետից, «Իրաքը հայեցակարգային ձախողում է», որի պատճառով նրա քաղաքացիները` «մարդիկ են, որոնք շատ քիչ ընդհանուր բան ունենալով», ստիպված են «կիսել անորոշ ապագան»: «Ժամանակն է խոստովանելու, որ էքսպերիմենտը ձախողվեց: Իրաքը չկայացած պետություն է և քրդերի ներկայությունն այնտեղ դատապարտում է բոլորին անվերջ հակամարտության և թշնամանքի»,-կարծում է Բարզանին: Նրա կարծիքով, Իրաքն ունակ չէ «պաշտպանել իր բնակչությանը», որի ապացույցն է երկրի խոշոր շրջանների գրավումը ԻՊ կողմից, և «հազիվ է կարողանում ձևակերպել իր շահերը»:, հայտնում է ՏԱՍՍ-ը: «Պարտադրված գոյակցությունը չի գործում: Ուստի Իրաքի Քրդական տարածաշրջանը հանրաքվե կանցկացնի ինքնիշխան պետության ձևավորման վերաբերյալ` պաշտոնապես ձևակերպելով Բաղդադի հետ «ապահարզանը»: Բարզանին չի հստակեցրել հանրաքվեի ժամկետները: Նա պնդում է, որ Իրաքյան Քրդստանի և Բաղդադի միջև «ուղղակի վստահություն չկա» և հակասություններն «անհաղթահարելի են»: Իրաքյան Քրդստանի ԱԱԽ ղեկավարը հայտնել է նաև, որ հանրաքվեից առաջ բանակցություններ կանցկացվեն Բաղդադի հետ` ապահովելով երկու երկրների շահերի պաշտպանությունը: «Այդ գործընթացն արդեն սկսվել է»,-պարզաբանում է Բարզանին: Բացի այդ, հավելել է նա, քրդերը մտադիր են «բանակցել նաև Թուրքիայի և Իրանի հետ` պարզաբանելով, որ անկախության հռչակումը չի ապակայունացնի նրանց սահմանները»: 2014-ի ամռան սկզբին «Իսլամական պետության» զինյալները գրավեցին մի շարք բնակավայրեր Սիրիայի արևելքում և սկսեցին առաջանալ դեպի Իրաքի սահմանները: Ծայրահեղականները հաջողության են հասել նաև իրաքյան տարածքներում՝ վերահսկողություն սահմանելով երկրի արևմուտքում մի քանի քաղաքների վրա: Հուլիսի վերջում նրանք հայտարարեցին Իրաքի ու Սիրիայի տարածքում խալիֆայության ստեղծման մասին: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ Միկոյան-Գալշոյան խաչմերուկում երթևեկությունը կփոփոխվի Փոփոխությունը կկատարվի փորձնական տարբերակով |