Ֆրանսիան ողջունում է Վիեննայի հանդիպման արդյունքներն ու հորդորում կողմերին կատարել պարտավորությունները17 մայիսի 2016 - 17:50 AMT PanARMENIAN.Net - Ֆրանսիայի իշխանությունները ողջունում են ղարաբաղյան հակամարտության կարգավորման վերաբերյալ Վիեննայում կայացած միջազգային հանդիպման արդյունքները: Այդ մասին հայտարարել է Ֆրանսիայի ԱԳՆ պաշտոնական ներկայացուցիչ Ռոմեն Նադալը, հայտնում է Sputnik-Արմենիան: «Ֆրանսիան ողջունում է Լեռնային Ղարաբաղի վերաբերյալ հանդիպման արդյունքները, որը թույլ տվեց վերսկսել երկխոսությունը Հայաստանի և Ադրբեջանի միջև ապրիլի 2-5-ը տեղի ունեցած արյունալի բախումներից հետո»,-ասել է Նադալը: Նա նաև նշել է, որ ՀՀ և Ադրբեջանի նախագահները հանդիպման ժամանակ պայմանավորվել են պահպանել հրադադարի ռեժիմը և հավատարիմ մնալ խաղաղ կարգավորման սկզբունքին, ինչպես նաև համաձայնվել են մի շարք միջոցներ ձեռնարկել` ուղղված միջադեպերի հետաքննության մեխանիզմների ներդրմանը: «Այդ պարտավորությունները շատ կարևոր են: Ֆրանսիան հորդորում է կողմերին պահպանել դրանք և կշարունակի միջնորդությունը որպես ՄԽ համանախագահ ռուս և ամերիկացի գործընկերների հետ միասին»,-ասել է Նադալը: Վիեննայում մայիսի 16-ի երեկոյան Հայաստանի Հանրապետության Նախագահ Սերժ Սարգսյանը և Ադրբեջանի Հանրապետության նախագահ Իլհամ Ալիևը մասնակցել են ԵԱՀԿ Մինսկի խմբի համանախագահող երկրների արտգործնախարարների նախաձեռնությամբ և մասնակցությամբ քննարկմանը:Հանդիպմանը մասնակցել են երկու երկրի արտաքին գործերի նախարարներ Էդվարդ Նալբանդյանը և Էլմար Մամեդյարովը, դեսպաններ Իգոր Պոպովը (Ռուսաստան), Ջեյմս Ուորլիքը (ԱՄՆ), Պիեռ Անդրիոն (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրշիկը: Ըստ հայտարարության նաև, Հայաստանի ու Ադրբեջանի նախագահները պայմանավորվել են բանակցությունների հաջորդ փուլի վերաբերյալ: Բանակցությունների հաջորդ փուլը կանցկացվի հունիսին, փոխադարձ համաձայնեցված վայրում՝ համընդգրկուն կարգավորման հասնելու շուրջ բանակցությունների վերսկսման նպատակով: Ընթերցեք նաև. Հայտարարություն. Նախագահները համաձայն են արագորեն ավարտել հետաքննական մեխանիզմների ներդրումը Հղումներ թեմայով. Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՊՆ բժշկական գումարտակը մասնակցում է ՆԱՏՕ–ի կազմակերպած զորավարժությանը Հոսպիտալն ապրիլի 30-ից ծավալվել է Հունգարիայի Վարպալուտա տարածաշրջանում գտնվող Բակոնիկուտի զորավարժարանում Սուրենյան․ Սպասվում է չափավոր տաք և տեղումնառատ մայիս Օդի ամսական միջին ջերմաստիճանը նորմայից բարձր կլինի մինչև 1 աստիճանով Մարությանը՝ իր կուսակցության հիմնադիր համագումարում․ Փաշինյանն ու իր թիմն այլևս անելիք չունեն՝ պետք է հեռանան «Մեր Տավուշն այստեղ է՝ այս դահլիճում»,–ասել է նա Ըստ Թուրքիայի իշխող ԱԶԿ–ի խոսնակի՝ ՀՀ-Ադրբեջան սահմանին տեղադրված սահմանաքարը չափազանց կարևոր է Նա ասել է, թե «Անկարան ողջունում է Հայաստանի դրական ուղերձները» |