ՖԻԴԵ-ի նախագահն առաջարկում է ՀՀ և Ադրբեջանի միջև շախմատի համացանցային մրցույթ անցկացնել18 մայիսի 2016 - 13:14 AMT PanARMENIAN.Net - Շախմատի միջազգային ֆեդերացիայի (ՖԻԴԵ) նախագահ Կիրսան Իլյումժինովն առաջարկում է Ֆեդերացիայի հովանու ներքո շախմատի համացանցային մրցույթ անցկացնել Հայաստանի և Ադբեջանի միջև: Նախաձեռնության հիմքում այն գաղափարն է, որ շախմատը նպաստում է փոխըմբռնմանը, հայտնում է ՌԻԱ Նովոստի գործակալությունը: Իլյումժինովն իր առաջարկությունը նախ ներկայացրել է ՀՀ նախագահին որն, ըստ ՖԻԴԵ-ի նախագահի, հաճույքով է ընդունել առաջարկը:«Մայիսի 24-ին լինելու եմ Բաքվում, հանդիպելու եմ Ադրբեջանի ղեկավարության հետ և այսպիսի առաջարկ կանեմ՝ «երկիրը՝ երկրի դեմ», որպեսզի Հայաստանն ու Ադրբեջանը կոլեկտիվ շախմատ խաղան, որին կարող են մասնակցել բոլոր ցանկացողները` քայլ կատարելով համացանցում»,- Sputnik Armenia ռադիոկայանի եթերում ասել է Կիրսան Իլյումժինովը: Պատասխանելով հարցին, թե կարող է արդյոք շախմատը նպաստել խաղաղության հաստատմանը հակամարտող կողմերի միջև` ՖԻԴԵ-ի ղեկավարն ասել է, որ «բոլոր հարցերը պետք է խաղաղ լուծվեն շախմատի սեղանի շուրջ, որպեսզի մարտնչեն միայն շախմատի խաղատախտակի մոտ»: «Դա կարող է նպաստել երկու երկրների ժողովրդների միջև փոխվստահության հաստատմանը: Երբ հին հույները Օլիմպիական խաղեր էին անցկացնում, բոլոր պատերազմներն ու հակամարտությունները դադարում էին: Հուսով եմ, շախմատն ու սպորտն ընդհանրապես, ինչպես ծառայել են խաղաղությանը և մարդկությանը, այնպես էլ այս դեպքում, Շախմատի համաշխարհային օլիմպիադայի ժամանակ օրինակ կծառայեն բոլոր երկրներին` ցույց տալով, որ պետք է ապրել հաշտ ու խաղաղ, առավել ևս հիմա, երբ տարվա ընթացքում աշխարհում 100-ից ավելի զինված հակամարտություն է լինում»,- ասել է Իլյումժինովը: Շախմատի համաշխարհային օլիպիադան տեղի կունենա Բաքվում ընթացիկ տարվա սեպտեմբերի 1-14-ը: ՖԻԴԵ-ի նախագահը մայիսի 17-ին շախմատի մանկապատանեկան մարզադպրոցի բացման արարողության շրջանակներում շախմատ է խաղացել ՀՀ նախագահ Սերժ Սարգսյանի հետ, խաղն ավարտվել է ոչ ոքի: Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Ակբա բանկ․ ՀՀ-ում առաջին անգամ թողարկվում են UnionPay International-ի քարտեր Ակբա բանկը քարտերը տրամադրում է ռեզիդենտ և ոչ ռեզիդենտ ֆիզիկական և իրավաբանական անձանց Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել |