Խորհրդարանական ընտրությունները Հայաստանի ապագայի համար բացառիկ նշանակություն ունեն10 մարտի 2007 - 14:07 AMT PanARMENIAN.Net - Երեկ ՀՀ ԱԺ նախագահ Տիգրան Թորոսյանն ընդունեց «Հազարամյակի մարտահրավերներ» (ՀՄԿ)կորպորացիայի գործառնական հարցերով փոխնախագահ Ջոն Հյուկոյի գլխավորած պատվիրակությանը, հայտնում է ՀՀ ԱԺ մամլո ծառայությունը: Ջ. Հյուկոն առաջին անգամ է Հայաստանում, նրա այցի նպատակն է նախ տեղում ծանոթանալ «Հազարամյակի մարտահրավերներ» կորպորացիայի Հայաստանյան ծրագրի իրականացման ընթացքին ու իրականացնողներին, ապա` բաց ու շիտակ խոսակցություն ունենալ հայ բարեկամների հետ խորհրդարանական առաջիկա ընտրությունների վերաբերյալ: ՀՄԿ գործառնական հարցերով փոխնախագահը բարձր գնահատեց կատարված աշխատանքները` նշելով, որ Հայաստանը կարող է հպարտանալ գործող ծրագրով եւ այն իրականացնողներով: «Հազարամյակի մարտահրավերներ» ծրագիրը կարեւորվեց ոչ միայն իբրեւ հայ-ամերիկյան հարաբերությունների ամրապնդման միջոց, այլ նաեւ` Հայաստանում աղքատության կրճատման եւ եկամուտների մեծացման հնարավորություն: Ջոն Հյուկոն նշեց, որ ՀՄԿ աշխատում է ժողովրդավարական երկրների հետ, ժողովրդավարության գնահատման 11 ցուցանիշներ են կիրառվում, որոնք ընդհանուր են ՀՄԿ շրջանակներում ընդգրկված 25 երկրների համար: Առաջիկա խորհրդարանական ընտրությունները կարեւորվեցին ժողովրդավարական չափանիշներին համապատասխան անցկացնելու առումով, հակառակ պարագայում` կարող է վտանգվել «Հազարամյակի մարտահրավերներ» ծրագրի շարունակումը Հայաստանում: Նա հույս հայտնեց, որ մայիսյան խորհրդարանական ընտրությունները նախորդ ընտրությունների համեմատ դրական տեղաշարժեր կարձանագրեն եւ կապահովեն ծրագրի շարունակականությունը:Տիգրան Թորոսյանը, կարեւորելով «Հազարամյակի մարտահրավերներ» ծրագրի իրականացումը, շնորհակալություն հայտնեց դրա գոյության եւ իրականացման առաջին քայլերի համար: Նա առաջիկա ընտրությունների անցկացման որակը նախեւառաջ կարեւորեց Հայաստանի ապագայի եւ բարեփոխումների զարգացման առումով` նշելով, որ դրանք ժողովրդավարական չափանիշներով անցկացնելն այնպիսի կարեւորություն ունի, որ դրա կողքին «Հազարամյակի մարտահրավերներ» ծրագրի շարունակականությունը չի կարող համեմատվել դրա հետ կամ դիտվել որպես խթան Հայաստանի համար: Պարոն Թորոսյանը նաեւ նշեց, որ կորպորացիայի սայթում Հայաստանին վերաբերող տվյալներում քաղաքական իրավունքներին եւ հասարակական ազատություններին վերաբերող մասերը ճշգրիտ չեն արտացոլում վերջին տարիների փոփոխությունները: Անդրադառնալով խորհրդարանական ընտրություններին` Տ. Թորոսյանը նշեց, որ դրանք իրապես բացառիկ նշանակություն ունեն Հայաստանի ապագայի եւ բարեփոխումների շարունակման համար. խորհրդարանական ընտրություններից հետո ուժի մեջ կմտնեն նաեւ սահմանադրական փոփոխությունների քաղաքական համակարգին վերաբերող դրույթները: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազան․ Մեծ հանդիպում ենք նախատեսում բոլոր քաղուժերի հետ` քննարկվելու է վարչապետի թեկնածուի հարցը Նա նշել է, որ Բաքվի բանտերում պահվող Արցախի ղեկավարության հետ աղ ու հաց են կիսել, բայց հարցը չեն բարձրաձայնում Ուրուգվայի Ներկայացուցիչների պալատը միաձայն ընդունել է ապրիլի 24-ը Հայոց ցեղասպանության հիշատակի օր հռչակող օրինագիծը Նախաձեռնությունը Սենատի կողմից հավանության էր արժանացել մայիսի 7-ին Fastex տեխնոլոգիական 8-րդ հանդիպման ընթացքում խոսել են կրիպտոփոխանակման հարթակներից Հայաստանի բլոկչեյն էմբասիում կայացել է 8-րդ Fastex Meetup տեղեկատվական հանդիպումները Բագրատ սրբազան. Հեծանիվով էր ման գալիս փողոցներում, հիմա ոստիկաններին բերել, քաղաքը պարալիզացրել է Նա նաև ասել է, որ շնորհակալ է ոստիկանությանը, որ «քաղաքացիների փոխարեն՝ ինքն է ճանապարհները փակում» |