2007 թվականի ընտրությունները կկանխորոշեն երկրի հետագա զարգացումը առաջիկա 20 տարիներին15 մարտի 2007 - 16:26 AMT PanARMENIAN.Net - Նորմալ եւ ազնիվ խորհրդարանական ընտրություններ հարկավոր են առաջին հերթին Հայաստանին, իսկ հետո արդեն ԵԽ-ին եւ ԱՄՆ-ին: Հենց ընտրությունները կկանխորոշեն երկրի հետագա զարգացումը առաջիկա 20 տարիներին: Այդ մասին Երեւանում կայացած մամլո ասուլիսի ժամանակ հայտարարել է ՀՀ ԱԺ խոսնակ Տիգրան Թորոսյանը: Նրա խոսքերով, «Հազարամյակի մարտահրավերներ» կորպորացիայի ներկայացուցիչներն արդեն հայտարարել են, որ կարող են դադարեցնել ծրագիրը անարդար ընտրությունների դեպքում: «Մեզ համար շատ ավելի թանկ է երկրի ժողովրդավարական զարգացումը, որը հնարավոր չէ չափել միլիոնավոր դոլարներով: Ես պետք է նշեմ, որ առաջիկա ընտրությունները չպետք է որոշեն, թե ինչպիսին կլինի քաղաքական ուժերի բաշխումը խորհրդարանում, ինչպես պետք է կազմավորվի կոալիցիոն կառավարությունը: Այս ընտրությունները պետք չէ նաեւ դիտարկել որպես ստուգատես 2008 թվականի նախագահական ընտրություններից առաջ»,-ընդգծել է Թորոսյանը: Միեւնույն ժամանակ նա նշել է, որ չի կարող ասել, թե ընտրությունները բացառապես առանց խախտումների կանցնեն: «Այդպես չի լինում: Սակայն խախտումները չպետք է ազդեն վերջնական արդյունքի վրա: Հայաստանի Հանրապետական կուսակցությունը մի քանի տասնյակ հազարավոր մարդ ունի եւ բոլորին վերահսկել ուղղակի անհնար է: Այնուամենայնիվ մենք միասն պետք է ընտրությունները դարձնենք արդար եւ թափանցիկ»,-ասել է ԱԺ խոսնակը, որը երրորդն է ՀՀԿ ցուցակում: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |