Դովլաթովի 75-ամյակը Պետերբուրգում կնշեն փառատոնով

8 հունիսի 2016 - 12:35 AMT

PanARMENIAN.Net - Սեպտեմբերի 3-ին Սանկտ Պետերբուրգում տեղի կունենա գրող և հրապարակախոս Սերգեյ Դովլասթովի 75-ամյակին նվիրված փառատոն տեղի կունենա: Այն կոչվելու է «Դ օրը»

2016-ի սեպտեմբերի 3-ին Դովլաթովը կդառնար 75 տարեկան: Նրա ստեղծագործությունների երկրպագուները որոշել են հիմնել «Դոլվաթովի երկրպագուների ընկերակցություն» և փառատոն կազմակերպել, որին առաջարկում են մասնակցել բոլոր ցանկացողներին:

«Պետերբուրգում, որտեղ Դովլաթովն անցկացրել է կյանքի մեծ մասը, նրա հանդեպ առանձնահատուկ վերաբերմունք կա: Ուստի, մենք, հավաքվելով հոբելյարի համար հարազատ Ռուբինշտեյնի փողոցում, ազդարարում ենք նոր տոնի մեկնարկը` «Դ օրը»,-ասվում է հաղորդագրության մեջ:

Ռուբինշտեյնի փողոցը, որտեղ ապրել է գրողը, մեկ օրով կվերածվի միասնական ինտերակտիվ տարածքի` համերգներով ու ցուցահանդեսներով: Վերջում նախատեսվում է բացել գրողի ժամանակավոր հուշարձանը: Փառատոնի շրջանակում նախատեսվում է անցկացնել Նինա Ալովերտի լուսանկարների ցուցահանդեսը, որի լուսանկարներով են ձևավորվել Դովլաթովի գրքերը, ներկայացնել գրողի մասին ֆիլմերի հետահայաց ցուցադրություն, խորհրդաժողով կազմակերպել Անդրեյ Արևի, Տատյանա Տոլստայայի, Յակով Գորդինի մասնակցությամբ, որոնք աշխատել և ընկերություն են արել Դովլաթովի հետ, հայտնում է ՌԻԱ Նովոստին:

Գրող և հրապարակախոս Սերգեյ Դովլաթովը ծնվել է Ռուսաստանի Ուֆա քաղաքում: Նրա հայրը՝ Դոնաթ Մեչիկը ռեժիսոր էր, մայրը՝ Նորա Դովլաթովան դրամատիկական թատրոնի դերասանուհի: 1945թ. նա ապրել է Լենինգրադում, սովորել է ԳՊՀ բանասիրական ֆակուլտետում: Դովլաթովը ծառայել է բանակում, 3 տարի ապրել է Տալլինում, աշխատել է թերթում, որից հետո վերադարձել է Լենինգրադ: Դովլաթովը էքսկուրսավար է աշխատել Միխայլովսկում՝ Պուշկինի թանգարան-արգելոցում: Դովլաթովի ստեղծագործությունները հրատարակվել են էմիգրանտների «Մայրցամաք» և »Ժամանակն ու մենք» ռուսալեզու ամսագրերում: 1976թ. նրան հանեցին ԽՍՀՄ Լրագրողների միության կազմից: 1978թ. նա բնակություն հաստետց ԱՄՆ-ում: Արևմուտքում նա 12 գիրք հրատարակեց ռուսերեն լեզվով, նա նաև ամերիկյան ՓԵն-ակումբի դափնեկիր է, տպագրվել է New Yorker ամսագրում: Մինչ այդ նման պատվի ռուս գրողներից արժանացել էր միայն Վ. Նաբոկովը: Դովլաթովը շատ գեղեցիկ ռուսերենով էր գրում՝ ընտրում էր միայն «լավագույն բառերը լավագույն շարադասությամբ»: Դովլաթովի բոլոր ստեղծագործություններն այսպես թե այնպես ինքնակենսագրական են: Նա դժվար էր գրում՝ ոչ մի բան չհորինելով ու չերևակայելով: Իր ապրած կյանքն ու բառերը՝ահա այն ամենն, ինչ նա ուներ:

Սերգեյ Դովլաթովը մահացել է 1990թ. օգոստոսի 24-ին Նյու Յորքում, թաղված է Նյու Յորքի Կվինս թաղամասի հրեական Mount Hebron գերեզմանատան հայկական մասում:

Հղումներ թեմայով.

Ria.ru:Фестиваль в честь Довлатова планируют провести в Петербурге 3 сентября