ՀԲ. Առաջիկա տարիներին Հայաստանում ՀՆԱ աճը չի գերազանցի 3%-ը 9 հունիսի 2016 - 17:39 AMT PanARMENIAN.Net - Առաջիկա երեք տարիներին Հայաստանում ՀՆԱ-ի աճը չի գերազանցի 3 տոկոսը, հայտնում է «Ազատություն» ռադիոկայանը Համաշխարհային բանկի տվյալների վրա հղումով: Համաշխարհային տնտեսության հեռանկարներն ամփոփող այս ծավալուն զեկույցի համաձայն՝ 2016-ին ՀՆԱ-ի իրական աճը Հայաստանում կկազմի 1.9 տոկոս: «2017-ին և 2018-ին տնտեսական աճի տեմպերը Հայաստանում փոքր-ինչ կարագանան», - նշել են ՀԲ-ի փորձագետները` կանխատեսելով, որ հաջորդ տարի ՀՆԱ-ի իրական արտահայտությամբ աճը երկրում 2.8, իսկ 2018-ին` 2.9 տոկոս կկազմի: Համաշխարհային բանկի տվյալների համաձայն՝ 2016 թվականը Ադրբեջանի համար վատթարագույնը կլինի վերջին 20 տարիների ընթացքում` երկիրը տարին կփակի 1.9 տոկոս տնտեսական անկմամբ: Վերջին անգամ Ադրբեջանում ՀՆԱ-ի անկում արձանագրվել էր հեռավոր 1995 թվականին: 2017 թվականին արդեն, մասնագետները Ադրբեջանում կրկին ՀՆԱ-ի աճ են կանխատեսում` նշելով, սակայն, որ այն աննշան է լինելու և չի գերազանցելու 1 տոկոսը: 2018-ին Ադրբեջանում տնտեսական վիճակը փոքր-ինչ կբարելավվի և ՀՆԱ-ի աճն իրական արտահայտությամբ կկազմի արդեն 1.3 տոկոս: Դատելով Համաշխարհային բանկի հրապարակած տվյալներից` հարավկովկասյան պետությունների շարքում առավել բարվոք տնտեսական վիճակում է Վրաստանը: ՀԲ-ի կանխատեսումների համաձայն՝ 2016 թվականը Վրաստանը կամփոփի 3 տոկոս աճով: 2017-ին ՀՆԱ-ի աճը Վրաստանում կկազմի 4,5, իսկ 2018-ին՝ 5 տոկոս: ՀԲ-ի մասնագետները նաև փորձել են պարզել այն հիմնական գործոնները, որոնք ազդում են այս կամ այն պետության տնտեսական կացության վրա: Հայաստանի պարագայում բացասաբար ազդող գործոններից են նախևառաջ ՌԴ տնտեսությունում նկատվող անկումը, որն, ի դեպ, այս տարի ավելի քան 1 տոկոս է կազմելու, ինչպես նաև մասնավոր դրամական փոխանցումների ծավալի նվազումը: Վրաստանի դեպքում տնտեսական աճը դանդաղեցնող գործոններից են էներգակիրներով հարուստ գործընկեր պետություններում` նախևառաջ Ադրբեջանում արձանագրվող անբարենպաստ զարգացումները: Բանկի կանխատեսմամբ՝ նավթի գինը երկարաժամկետ կտրվածքով շարունակելու է ցածր մակարդակի վրա գտնվել, ինչը նշանակում է, որ Ադրբեջանը, ինչպես նաև էներգակիրներով հարուստ մյուս հետխորհրդային պետությունները` Ռուսաստանն ու Ղազախստանը, «կրկին բախվելու են ֆինանսական խնդիրների, կուտակած պահուստները շարունակելու են նվազել, իսկ արտարժույթի փոխարժեքը լուրջ շուկայական ճնշման է ենթարկվելու»: Ավելի վաղ Համաշխարհային բանկի երևանյան գրասենյակի ղեկավար Լորա Բեյլին հայտարարել էր, որ Ռուսաստանի դեմ գործող պատժամիջոցների հնարավոր չեղարկումը կարող է դրական անդրադառնալ ՀՀ տնտեսության վրա:ՀՀ ազգային վիճակագրական ծառայության տվյալների համաձայն՝ ՀՀ տնտեսական աճը 2016-ի առաջին եռամսյակում կազմել է 4.4%: ՀՆԱ-ի ծավալը կազմել է 898.2 մլրդ դրամ ՝ 2015-ի առաջին եռամսյակի 881.2 մլրդ դրամի դիմաց: 2016-ի հունվար-ապրիլին արդյունաբերական արտադրանքի ծավալը կազմել է մոտ 421 մլրդ դրամ՝ 2015-ի նույն ժամանակահատվածի համեմատ աճելով 10%-ով: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |